Asirikora aakhalano muteko wootepa otthuneya mmutekoni wa Omwene. (Nsa 68:12 [68:11 Tradução do Novo Mundo]) Awo annapakiha soosoma sa Biblya sintxipale ni mapiyoneiru antxipale anthiti [Pioneiro regular] arokora. Opwaha mwa yeeyo, arokora antxipale annavara ni murima wootheene ntoko: Mabetelita, mamisionariya, owiivaherera oteka ipa sa Omwene nave-tho akina anamataphulela. Nto asirikora ookhomaala moomunepani ennalipiha emusi aya ni muloko. (Mir 14:1) Hata asirokora ehikhalaka asitokweene a mmulokoni naari arumwa oorumeela, awo pooti okhalano soolukama sa omunepani. Wakhala weera nyuwo murokora, itthu heeni mukhanlaanyu oopaka weera mwaatxeerere muteko munanvarelaanyu Yehova?

• Mweerere oreherera mukhalelaanyu woomunepani—1Tim 3:11; 1Ped 3:3-6

• Mwaakhavihereke asirikora arinono sookumanano vakhaaneene—Tito 2:3-5

• Murehere makhalelo anyu oolaleera nave iwoora munviriaanyu mulaleeraka

• Muxuttere nuulumo nikina

• Mwiivaherere weera mwavareke muteko mapuro oothowa anamalaleera

• Mprenxeri epetisau weera mwavare oBetheli naari okhavihera muteko wooteka

• Mprenxeri epetisau weera murowe Exikola ya anamalaleera a Omwene

MOONEELE EVIIDIYU ENEERA: “ATHIYANA ANIILIPIHERA OVARA MUTEKO WAAPHWIYA”. AVINYAKA MWAAKHULE NIKOHO NNA:

• Sookumanano iya sa arokora ala soolipinheni hayi nyuwo?