Waaxupaka ophwanya muteko, ohela nipuro noopatxera Omwene pooti okhala wooxupa. Apaale muteko ninrowaahu ophwanya onoonanariha mukhalelo ahu wa omunepani, naari khonvarihana ni malamulo a mBiblyani. Nto nroromeleke weera Yehova onnawoonihera “owerya wawe yale anamuroromela ni murim’aya wothene”. (2 Sow 16:9) Yehova Tiithi a nsivelo, khiyaavo eneera emootxelihe onikhavihera ni onikasoopa. (Arom 8:32) Mwaha wa yeeyo, ontthuneya omuroromela Yehova ni okuha nipuro noopatxera Omwene awe naapakaka soothanla voohima sa muteko.—Nsa 16:8.

MOONELE EVIIDIYU ENEERA: MUNVARELE MUTEKO YEHOVA NI MURIMAANYU WOOTHEENE. AVINYAKA MWAAKHULE MAKOHO ALA:

• Mwaha wa heeni Yona ahaakhenlaawe makhwankwa?

• Ninrowa onvarela hayi muteko Akolosi 3:23 mweekumini mwahu?

• Ntakihero na Yona, naamukhavihenre hayi Thomas?

• Ninrowa onvarela hayi muteko Matheyo 6:22 mweekumini mwahu?