Mulipa ootthimaka ontthuneya otreiinari veeli-veeli weera ahittiwale otthimaka. Emoha-moharu, hiyo tho nintthuneya wiilipihera weera niwere okhalano muupuwelo wootxentxerihiwa nnene ni Biblya. (Aheb 5:14) Ekhaikhai weera ikwaha ikina onkhala ntoko ti vookweya olinkanxa ele atthu akina ampakaaya. Mene ti vootthuneya weera nikhalekeno yoolakela yoopaka ya meekhaahu. Mwaha weera mutthu ti mutthu ahiyo, onrowa waakhula ohoolo wa Muluku moovarihana ni soothanla sawe.—Arom 14:12.

Ti vootthuneya woopuwelela weera khaninrowa opaka soothanla sooreera mwaha weera nookhalano iyaakha sintxipale soobatiziwa. Mene weera niwere opaka sothanla sooreera nintthuneya weera, nimuroromeleke emaara yootheene Yehova, Biblya ni mareherero a Yehova.—Yeh 1:7, 8; Mir 3:5, 6; Mt 24:45.

MOONELE EVIIDIYU ENEERA MUKHALENO “YOOSUWELIHA YA MURIMA YOOREERA”, AVINYAKA MWAAKHULE MAKOHO ALA:

• Itthu heeni Ana ovirinhaawe?

• Heeni varaaya voonanara wuuluma ele mwarowaanyu opaka mwa etthu empakiwa movarihana ni yoosuweliha ya murima yooreera?

• Miruku heeni sooreera ntheli nimoha noowuuluvala nanvanhaaya Ana?

• Ana aphwanye woowiini soohima owo atthunaawe weera apake yoothanla yooreera?