7-13 a Outubro
MASALMU 92-95
Etxipo 84 ni Nivekelo | Masu oohulela (emin. 1)
1. Omukokhorela Yehova, mukhalelo wootepa oreera wa ekumi!
(imin. 10)
Yehova onnaphwanela okokhorela wahu (Nsa 92:2, 5 [92:1, 4, Tradução do Novo Mundo]; w18.04-MAC epaax. 28 eparag. 5)
Owo onnaakhavihera atthu awe opaka soothanla sooreera ni okhala oohakalala (Nsa 92:6 [92:5, NM]; w18.11-MAC epaax. 23 eparag. 8)
Owo onnaavaha mwiitti ale enanvarela nnaamweera yuuluvanleene (Nsa 92:13-16 [92:12-15, NM]; w20.01-MAC epaax. 19 eparag. 18)
MWIIKOHEKE HA, ‘Eheeni enkikhoottihera wiivaherera wa Yehova ni obatiziwa?’
2. Othokorora itthu soomunepani
(imin. 10)
-
Nsa 92:6 [92:5, NM] — Moota heeni masu ala enooniheraaya nnene sene osuwela wa Yehova? (cl ekap. 17 epaax. 176 eparag. 18)
-
Itthu heeni sootthuneya mphwannyaanyu emaara mwaamusomaanyu Biblya esemana ela?
3. Omusoma Biblya
(imin. 4) Nsa 94:1-23 (th-MAC 5)
4. Otthekula woopatxera
(imin. 4) OLALEERA WOOHIIREHERERA. Mwaasaasere etempu weera mmuleele mutthu woohima sa muteko munvaraanyu ntoko muhusiha a Biblya. (lmd yoosoma 5 epontu 3)
5. Munnuwiheraka opwatthela
(imin. 3) OLALEERA WOOHIIREHERERA. Mumpakihe yoosoma ya Biblya mutthu ori ni ntthuno yoowo aakhoottiye woopatxerani. (lmd yoosoma 8 epontu 4)
6. Mwaapakaka atthareli
(imin. 5) Ovaanela ni namasoma a Biblya ohinrowa vahoolo. (lmd yoosoma 12 epontu 5)
Etxipo 5
7. Emaara maxupo enaaphwanyaaya amiravo
(imin. 15) Mwaha.
Ale enanvarela Yehova, ennakumanano-tho maxupo. Mwa ntakihero, Davidi aakumanano maxupo ikwaha sintxipale mweekumini mwawe, ntoko envirihaaya asinna antxipale olelo va. (Nsa 13:3 [13:2, NM]; 139:23) Mooriipiha murima, amiravo-tho ennavoleeliwa. Ikwaha ikina maxupo pooti weeriha miteko sahu ntoko, orowela exikola ni orowela mithukumano okhala ntoko tisookhulumula. Mpaka pooti onikhulumula ni otthuna wiisiiva.
Amiravo, wakhala weera ekwaha ekina munnaxupeya mwaha wa maxupo, mwaaleele asitiithi anyu naari mutthu oolipa moomunepani. Musuweleke-tho weera nyuwo muntthuneya onvekela Yehova weera ookhavihereni. (Af 4:6) Owo onoorowa wookhaviherani. (Nsa 94:17-19; Yes 41:10) Moone ntakihero na Steing.
Moonihere EVIIDIYU Yehova ookikosoopa. Avinyaka mpake makoho ala:
• Eversu heeni ya mBiblyani yaamukhavihenre Steing, ni mwaha wa heeni?
• Yehova aamukosompe moota heeni?
Asitiithi, nyuwo pooti waakhavihera anamwane anyu ovilela maxupo nwiiwelelaka moopixa murima, nwooniheraka nsivelo nanyu ni mwaakhaviheraka okhalano nroromelo ni nsivelo na Yehova. (Tito 2:4; Yak 1:19) Muroromeleke weera Yehova onimoomaalihani ni woovahani ikuru munhaawelaanyu weera mwaakhavihere anamwane anyu.
Hiyo pooti ohisuwela wakhala weera mutthu mmulokoni onnaviriha maxupo naari moota oniisoonelaawe. Nnaamweera oreene hiiho, hiyo pooti okhavihera nimweerihaka mutthu owo mmulokoni wiisoona okhala oosiveleya. — Mir 12:25; Aheb 10:24.
