OWEHAWEHA (ONISOMMWA MMULOKONI) Janero 2017
Erevista ela erina myaha sinisommwa okhuma esumana 27 a Feverero mpakha 2 a Abril, 2017.
‘Mwaroromele Apwiya [Yehova]: Mwireke Sorera’
Yehova onnisiveliwa oniirela itthu nihaarowa ahu owerya opaka. Masi oniphavela wira nipakeke ele eniwerya ahu. Moota xeeni yoolepa ya mwaakha wa 2017 ennikhaliherya aya okhalana moonelo wooloka?
Nvaheke Efaita Eparakha ya Othanla Mootaphuwa
Othanla mootaphuwa onitaphulela exeeni ni Biibiliya oniixuttiha exeeni? Munrowa ottittimiha sai eparakha ya othanla mootaphuwa ya atthu akina?
Xeeni Wiiyeviha Nlelo Oryaaya Wootthuneya?
Exeeni enitaphulela aya wiiyeviha, ni onivarihana sai ni wiisuumaaliha? Xeeni wiiyeviha oryaaya mukhalelo wootthuneya okhalana?
Munoowerya Wiiyeviha Hata Mweehereriwaka
Ninrowa ovikaniha sai wiiyeviha okathi makhalelo ahu aniturukeyaaya, okathi onivaanyihiwa ahu aahiiso ottottopeliwa, ni okathi makhalelo ahu ahinisuwanyeya aya?
Itthu Iya “Mwalèle Atthu Òroromeleya”
Xeeni anna oowuuluvala anitthuneya aya owiixuttiha amiravo wira yeemereryeke miritti suulupale mmulokoni? Amiravo anrowa wooniherya sai wira annaavaha efaita anna ale aarina miritti okhuma khalai?
Nyuwo Mwaanisuwela?
Khalai mooro waakuxiwa sai oroihiwaka mapuro makina?
