OWEHAWEHA (ONISOMMWA MMULOKONI) Junyo 2019
Erevista ela erina myaha sinithokoreriwa okhuma 5 a Agosto mpakha 1 a Setembro, 2019
“Mwipasopeke: Muhimuhiyé Mutthu” Ookhalihakani Epottha!
Satana onnirattela waawoka atthu. Oneererya sai onihiiha omphenta ni omwiiwelela Yehova?
Musyakeke Muupuwelo Ohinvarihana ni Osuwela wa Muluku!
Itthu sinikhumelenle mookumini mwahu ntoko, mahuweliwo aahiiso osoma wahu pooti ohapuwela muupuwelo ahu. Ninrowa okumiha sai miyuupuwelo sikhalaka ntoko “solipexa” vamurimani vanyu?
Mmuroromeleke Yehova Okathi Wooxanka
Oviriha okathi munceene mutthu oxankale ene, pooti omwiiriha owereyasiwa. Yehova aahaakhaliherya arumeyi awe a khalai ovilela oxanka.
Mwaakhaliheryeke Atthu Akina Ovilela Oxanka
Lothi, Yobi ni Nowemi yaari arumeyi oororomeleya a Yehova, masi yaahikhalana mixankiho sinceene mookumini mwaya. Ntakiheryo naya ninniixuttiha exeeni?
Mwiikhapelele Wira Muhihapuxiwe ni Miraakho sa Satana
Epornografia ennaamoriha arumeyi anceene a Muluku. Ninrowa osyaka sai yoolema eyo yoohiloka?
Otaphuleliwa wa Eroolu ya Khalai
Mwaakha wa 1970, alipa-oothipa mapuro yaakhaliwa khalai, yaahiphwanya eroolu oEin Gedi, wIsarayeli. Erumeeliwaka etekonologia 3-D, vaahiweryaneya osommwa ni otaphuleliwa. Exeeni yaaphwanyiwe?