OWEHAWEHA (ONISOMMWA MMULOKONI) Junyo 2020
Erevista ela erina myaha sinithokoreriwa okhuma 3-30 a Agosto, 2020.
“Nsina Nanyu Nivuwihiwe”
Mwaha Onithokoreriwa 23: 3-9 a Agosto, 2020. Mwaha xeeni muulupale onnihela muhina otheene ahu? Exeeni eniiriha mwaha owo okhala wa faita ni ninheliwa sai muhina wa mwaha owo? Ti vooloka osuwela waakhuliwa wa makoho awo ni makoho makina anivarihana ni mwaha ola, maana eyo enoonikhaliherya olipiha waataana wahu ni Yehova.
‘Mukivahe Murima Mmosaru, Wira Kòve Nsina Nanyu’
Mwaha Onithokoreriwa 24: 10-16 a Agosto, 2020. Mwaha ola, ninrowa othokorerya nivekelo na Mwene Davidi nri Esalimo 86:11, 12. Onitaphulela exeeni woova nsina na Yehova? Exeeni enniiriha ottittimiha vanceene nsina na Yehova? Woova nsina na Yehova onnikhaliherya sai okathi nneehereriwa ahu opaka itthu soohiloka?
Makoho Anikohiwa Ni Ale Anisoma Irevista Sahu
Niireke mikhalelo siri aGalasia 5:22, 23 paahi siniirela mpantta yoowiima sa ikuru sowaarya sa Muluku?
“Miyo Mmansaka Kinrowa Okuxa Ipwittipwitthi Saka”
Mwaha Onithokoreriwa 25: 17-23 a Agosto, 2020. Xeeni atthu akina yaamukokhorela Yehova moororomeleya anihiya aya omukokhorela? Muluku oniwoonela sai atthu awo? Mwaha ola ninrowa waakhula makoho awo. Nave ninrowa woona etthu nniixutta ahu enamuna Yehova aakhalihenrye awe atthu akina khalai ni a mahiku ahu ala, yaawo yaahiyale omurumeela mwa okathi vakhaani.
‘Muhokolowele wa Miyo’
Mwaha Onithokoreriwa 26: 24-30 a Agosto, 2020. Yehova oniphavela wira ale ahiyale olaleerya ni orowela mithukumano, ahokolowele wa yena. Nihaana wiimananiha waalipiha ale aneemererya nlattulo na Yehova nni: “Muhokoloweleke wa miyo”. Mwaha ola, ninrowa woona moota nikhanle ahu oowaakhaliherya ale ahiyale orowela mithukumano ni olaleerya wira ahokolowele wa Yehova.
