YOWIIRANEYA YA MWEEKUMINI
Ohiiwa Khokikhoottihenrye Owiixuttiha Atthu
Kibatiziwe 1941 kirina ene iyaakha 12. Mwaakha wa 1946, kaapacenrye aka wiiwexexa ekeekhai ya mBiibiliyani. Moota xeeni? Mukihiye kootthokiheryeni.
MWAAKHA wa 1910, anamuyari aka yaahithaama oTbilisi, oGeorgia arowaka oCanadá. Awo yaakhala empa yaamukhaani ofazenda waattamela muttetthe wa oPelly, oSaskatchewan, mpantta onikela nsuwa wa oCanadá. Kiyariwe 1928, nri anamwane 6, nto miyo kikiseriwe. Tiithi aka okhwiiye myeeri 6 kihinatthi oyariwa, nave-tho maama aka okhwiiye nlelo kiri mwaana. Moohipisa, murokoraka Lucy, aahikhwa orina ene iyaakha 17. Tivonto, taata aka Nick taanihuwa.
Okathi kaapacerya aka weetta, amusi aka yaahikiweha kivarenle ene mwiila wa ekhavalo. Nto yaahixanka vaavo ekhavalo yaakikankha aya, vano awo yaahikikhuwelela wira kihiye. Masi, miyo nkaiwale okhuwela waya. Moohakalaliha nkaavulanle. Nto okhuma nihiku nne, amusi aka yahoona wira nkaiwa.
Emusi emosa ya apatthani ahu yaahimmye wira kaahaana oroihiwa exikola ya anamwane ahiniiwa. Nto Taata aka Nick aahikiroiha exikola ya atthu ahiniiwa ya oSaskatoon, oSaskatchewan. Naahirakamela exikola ele, nto okhala wira kaarina iyaakha 5, kaanixanka. Kaanaaxukurya amusi aka elimwe ni okathi wa iferiado. Nto kaahiixutta nttaava ninlavuliwa ni matata ni kaanithweela ni anamwane akina.
WIIXUTTA EKEEKHAI
Nuumala murokoraka Marion otheliwa ni Bill Danylchuck mwaakha wa 1939, awo yaahipacerya okihuwa miyo ni murokoraka
Frances. Awo ti yaapacenrye omusoma Biibiliya ni Anamoona a Yehova. Okathi wa ifeeriya sa elimwe, yaahimananiha okileela ele yiixuntte aya mBiibiliyani. Okhala wira khiyaasuwela nttaava ninlavuliwa ni matata, khivaakhweya olavulana. Masi yanoona wira ele kiixutta aka voohimya sa Yehova, yaanikisivela tthiri. Nave kaahoona wira ele yaapaka aya yaanivarihana ni ele Biibiliya oniixuttiha awe. Tivonto, kaanaatthara muteko woolaleerya. Moohipisa, kaahiphavela obatiziwa, nto nihiku 5 na Setembro 1941, Bill aahikibatiza etanki ya aaso yaari maasi yaarikiwe veehimeni. Nto maasi ale khiyaareere oriirya!Kiri ene ni egrupu ya atthu ahiniiwa, kongresu a oCleveland, Ohio, mwaakha wa 1946
Nuumala otthikela owaani elimwe ya 1946, kaahimurowela kongresu oCleveland, Ohio, EUA. Nihiku noopacerya, murokoraka aahilepa itthu sikina wira kitthareke eprogama. Masi nihiku na nenli na kongresu ole, kaahihakalala osuwela wira yaahikhala egrupu ya atthu ahiniiwa, yaataphuleliwa ni nttaava na matata. Vano, kaaniwerya ottottela muraarelo eprograma, eyo yaahikikhaliherya wiiwexexa oratteene ele Biibiliya oniixuttiha awe!
WIIXUTTIHA EKEEKHAI
Nuuvira okathi, Ekhotto Yanenli ya Olumwenku Wotheene yaahimala, nto atthu yaaphavela wooniherya wira annikhaliherya ilapo saya. Masi, nuumala otthika okongresuni ni otthikela oxikola, kaahilakela ovikaniha okhala oororomeleya wa Yehova. Tivonto, kaahihiya wuntela ebandera, omwiipa hino ni wuupuwelela mahiku a iferiado. Nave-tho, kaahihiya orowa okerexa ni anaxikola akhwaaka. Okhala wira maprusoore a exikola ele khiyaasiveliwe, nto awo yaanikinyohola ni okileela itthu sowoothiwa wira kituruke muupuwelo aka. Ale kaasomanaka oxikola yaahoona ele yaakhumelela, nto mwaha wa yeeyo, kaahikhalana eparakha ya waalaleerya. Akina omuhela muhina Larry Androsoff, Norman Dittrick, ni Emil Schneider, yaaheemererya ekeekhai ni annivikaniha omurumeela Yehova.
Okathi kaaxukurya aka ipooma sikina, kaaniimananiha waalaleerya atthu ahiniiwa a ipooma iyo. Mwa ntakiheryo, elapo ya oMontreal kaanirowa opuro yaathukumana aya atthu ahiniiwa. Opuro ole, kaahimulaleerya Eddie Tager, mmiravo yoowo iirela mpantta egrupu ya gangue. Ohinatthi okhwa mwaisana, owo iirela mpantta muloko wa oLaval, oQuebec ninlavuliwa nttaava na matata. Nave, kaahimusuwela mmiravo Juan Ardanez. Ntoko atthu a oBereya a khalai, owo aanitokosa ele iixutta awe wira oone akhala wira yaakhuma mBiibiliyani. (Miteko 17:10, 11) Owo nave, aaheemererya ekeekhai, mpakha okhwa wawe aarumeela ntoko mutokweene muttetthe wa Ottawa, wOntario.
Kilaleeryaka mphironi mwaakha wa 1950
Mwaakha wa 1950, kaahithaamela oVancouver. Nnaamwi kaasiveliwa waalaleerya atthu ahiniiwa, nkinliyala okathi kaamulalenrye aka mustradani muthiyana Chris Spicer. Owo aaheemererya omulepa wira aakheleke irevista ni aaphavela wira kalavulane aiyawe aniitthaniwa Gary. Kaahirowa waaxukurya owannyeya, nto waahivira okathi munceene nivaanelaka ni naanilepa itthu sikina. Nuumala-vo waahivira okathi munceene nihoonanne, vano kaahitikinihiwa vaavo yaarwiyaya okilavuliha okongresuni a oToronto, wOntario. Nto Gary aabatiziwe nihiku nenne. Yowiiraneya ele, yaahikikhaliherya woona otthuneya waya
ovikaniha olaleerya, maana, hiyo khaninsuwela akhala wira mutthu onimulaleerya ahu onimweemererya ekeekhai.Muhoolo mwaya, kaahitthikela oSaskatoon. Opuro ole kaahikumana muthiyana mmosa aakivekenle waasomiha Biibiliya anaawe anli aaxithiyana maphapo Jean ni Joan Rothenberger. Awo yaasoma exikola emosaru ya atthu ahiniiwa kaasomme aka. Moohipisa, aximwali anli yaahaaleela ale yaasomana aya ele yiixuntte aya. Nto athanu yaahikhala Anamoona a Yehova. Mmosa a yaawo aari Eunice Colin. Ekwaha yoopacerya kaamusuwenle aka Eunice yaari eyaakha yookiserya kaasoma aka exikola ele ya atthu ahiniiwa. Nihiku nimosa, Eunice aahikivaha erapusatu nto aahikivekela okhala mpatthani awe. Muhoolo mwaya, aahikhala ootthuneya mookumini mwaka. Nto kaahimuthela!
Kiri ene ni Eunice 1960 ni 1989
Nuumala maama awe Eunice osuwela wira aamusoma Biibiliya, aahaavekela makhulupale a exikola ele wira amwiirihe Eunice ohiya omusoma Biibiliya. Nnaamwi yeerenrye ni yaamwaakhale iliivuru sawe, Eunice aahilakela ovikaniha ororomeleya wa Yehova. Vaavo aaphavela awe obatiziwa, anamuyari awe yaamulenle so: “Mwakhala Namoona a Yehova, munookhuma vate vahu!” Okathi Eunice aarina iyaakha 17, anamuyari awe yaahimoomola nto aahikuxiwa ni emusi ya Anamoona. Owo aahivikaniha omusoma Biibiliya, muhoolo mwaya aahibatiziwa. Nihiku na ekasamento ahu mwaakha wa 1960, anamuyari a Eunice khiyaarwiiye. Masi, nuuvira iyaakha, yaahipacerya onittittimiha mwaha wa sookupali sahu ni moota naahuwa ahu aniihu.
YEHOVA OOKIKHAPELELA
Mwanaka Nicholas ni amwaarawe aniitthaniwa Deborah anirumeela eBetheli ya wInglaterra
Mwaha wookhala anamuyari ahiniiwa, waaninivila waahuwa amiravo 7 aniiwa. Nto naahaana owiixuttiha nttaava ninlavuliwa
ni matata wira niweryeke ovaanelana ni owiixuttiha ekeekhai. Nave anna ni arokora a mmulokoni yaahinikhaliherya vanceene. Mwa ntakiheryo, namuyari mmosa aahinlepela ohimyaka wira mwanihu mmosa aahilavula moolumo oohiloka Empa ya Omwene. Masi naahiwerya olokiherya mwaha ole mookhalela. Aniihu axexe, James, Jerry, Nicholas ni Steven, axitokweene ni annimurumeela Yehova moororomeleya ni itthoko saya. Nto , Nicholas ni amwaarawe aniitthaniwa Deborah, annikhaliherya otaphulela nttaava ninlavuliwa ni matata ebetheli ya wInglaterra, nto Steven ni amwaarawe aniihaniwa Shannan anitaphulela nttaava ninlavuliwa ni matata ebetheli ya wEstados Unidos.Anaaka: James, Jerry, ni Steven ni axaaraya anikhaliherya muteko woolaleerya ni nttaava ninlavuliwa ni matata mwa inamuna soovirikana
Okathi saaniphwannye aya mixankiho, waamini wawe ohihimuxiwa waahimukhaliherya ovikaniha okhala oolipa. Mooriipiha murima, ohalaka mweeri mmosa wira niphiyerihe iyaakha 40 sa othelana wahu, Eunice ohookhwa mwaha wa kanser. Kinnilipelela okathi kinrowaaka otthikela onweha Eunice.
Faye ni James Markin; Jerry ni Evelyn Markin; Shannan ni Steve Markin
Feverero 2012, kaahimora kinteya muthana. Kaahoona wira kaahaana okhaliheriwa, nto kaahithaamela owannyawe Esalimo 10:14) Kinnaaxukhurela atthu otheene akikhalihenrye wiixutta nttaava ninlavuliwa ni matata ni ale yaataphulela mwa enamuna kaawerya aka ottottela mureerelo.
mwanaka. Vano nri Muloko wa Nttaava Ninlavuliwa ni Matata wa oCalgary ni kinnivikaniha orumeela ntoko mutokweene. Tthiri ola okathi kaapacenrya aka wiirela mpantta muloko ninlavuliwa nttaava na matata! Masi, kaavikaninhe sai olipiha wataana waka ni Yehova iyaakha sotheene kaari aka muloko naalavuliwa nttaava na Enkelexi? Yehova taakikhaliherya. Owo ooleiherya waakhapelela anamwane ikwaasuni. (Kirine ene iyaakha 79, exikola ya mapioneero nttaava ninlavuliwa ni matata
Waahikhala okathi koonaaka wira atthu khiyaasuwela etthu kaahimya aka aahiiso koonaaka wira khiyaasuwela moota wowaakhaliherya atthu ahiniiwa. Okathi mukina kaaninyoonyiheya khinaphavela otthikela ottuli, nto kaanuupuwela moolumo Pedru aamulenle awe Yesu wira: “Pwiya, nintthuna omutthara pani? Murina molumo anvaha ekumi yohimala, ti nyuwo”. (Yohani 6:66-68) Ntoko anna ni arokora akina ahiniiwa yaawo avirinhe iyaakha sinceene ari ene mwekeekhaini, miyo kihiixutta opixa murima. Nave kihiixutta omuroromela Yehova ni mutthenkeso awe, nto opaka eyo wookivaha mareeliho manceene. Vano sookhala iliivuru sinceene sa nttaava naka ninlavuliwa ni matata nave kinnihakalala orowela mithukumano ni akongresu a Nttaava Ninlavuliwa ni Matata na wAmerica. Mwekeekhai, kookhalana mareeliho manceene ni kinnihakalala mwaha woomurumeela Yehova Muluku ahu.