Iliivuru sahu sinimookhaliheryani wiixutta myaha sinceene. Nttaava nahu iliivuru iyo sinihela muhina: Eliivuru Enaakhaliherya Anamoona a Yehova Otokosa Myaha Sikumiheriwe, nave mattaava makina sinihela muhina: Glossário, o Estudo Perspicaz das Escrituras ni Índice das Publicações da Torre de Vigia.

EBIBILIYOTEKA ONLAINE ya Torre de Vigia yeeyo ninrumeela ahu wiira nitokose, pooti wookhaliheryani ophwanya iliivuru iyo. Mulepe mwaha muniphavela anyu opuro oni: “Mphavelase” ni nwehe itthu sinikhumela. Akhala wiira mwaha mulempe anyu onniphwanyaneya iliivuru iyo, mwaha owo onookhumelelaka waattamela opuro munilepa anyu.

Nkahaya mweererye ela: Mpacerihe mulepaka nuulumo noowi “Yehova” opuro oni mphavelase (A). Nuumala-vo, nuulumo noowi “Yehova” nnaamukhumela vathi ni myaha sikina (B). Nuumala-vo, munoowerya oweha nsina nlo muliivuruni mwahu.