Musome Maphattuwelo 37:23-28; 39:17-23 nuumala-vo, nwehe yoowiiraneya ya Yosefe ni mwiixutte etthu ni moota aavilenle awe ohixariya.

Nvareryeke mwaha owo. Exeeni yiirinhe Yosefe othokoreriwa moohixariya? (Maph. 37:3-11; 39:1, 6-10) Iyaakha ikavi saavinre Yosefe avilelaka ohixariya? (Maph. 37:2; 41:46) Mwa iyaakha iyo sootheene, exeeni Yehova ampakenle awe Yosefe ni exeeni ahampakenle awe? — Maph. 39:2, 21; Owehaweha 23.01 epaax. 17 etti. 13.

Mutokoseke Vanceene. Nnaamwi mwaara a Potifari aamuhimyanne itthu sowoothiwa Yosefe, Biibiliya khonihimya vakhala wiira Yosefe aahivaanyiha. Soolepa sinittharelana, sinnikhaliherya sai osuwela etthu yaamwiirinhe Yosefe othanla ohihimya etthu okathi ootherinwe awe aahiiso exeeni vahinreerela ahu ophavela osuwela itthu sootheene sinihela muhina mwaha owo? (Mir. 20:2; Yoh. 21:25; Mit. 21:37) Mikhalelo xeeni woonasa wene saamukhalihenrye Yosefe ovilela ohixariya? — Mik. 7:7; Luka 14:11; Yak. 1:2, 3.

Nweheke itthu munniixutta anyu. Mwiikoheke so:

• ‘Mwa enamuna xeeni kinrowa aka othokoreriwa mwaha wookhala mutthareli a Yesu?’ (Luka 21:12, 16, 17; aHeeb. 10:33, 34)

• ‘Kinrowa owerya sai wiilokiherya wiira kiwerye ovilela ohixariya?’ (Esal. 62:7, 8; 105:17-19; Owehaweha 19.07 ipaax. 2-7)