Yoolepa eyo enihimya so: “Moná vale wira alipa-òwettiha elapo annapuherya atthu, yalupatthaka alipa-òhawa, yakhottelaka murerelo aya, muhitikinihiwé. Khula mukhulupale onnilipihiwa n’ule ori vasulu vawe: vano owanli aya annisukiwa n’ule ori vasuluxa”.—Mus. 5:7.

Moonelo wa apinaatamu yoolepa ela ennaahimya oratteene anamalamulela a apinaatamu. Masi-tho, yoolepa ela ennooniherya ekeekhai yuulupale ennimaaliha voohimya sa Yehova.

Musuweli 5:7, onaahimya anamalamulela anaahasula alipa-oohaawa, nave ahinaathokorerya mwa xariya. Anamalamulela awo anniliyala wira ookhala mutthu mukina onaaweha orina okhulupale wuulupale ovikana okhulupale aya. Tthiri aakhala akina okhulupale aya ori wuulupalexa. Mooriipiha murima, ikuvernu sotheene sa apinaatamu anamalamulela aya ta makhwankwa ni annaahasula atthu ale anaalamulela aya.

Hata itthu sixankihaka vanceene, yookhala etthu ennimaaliha, maana Yehova onnaaweha makhulupale otheene a apinaatamu. Nto nihaana olipana Yehova nimuleelaka itthu sotheene sinnixankiha. (Esal. 55:23; aFil. 4:6, 7) Nave musuweleke wira “Apwiya anniweha ilapo sothene wira yakhaliherye ale anaroromela ni murim’aya wothene”.—2 Wah. 16:9.

Tthiri Musuweli 5:7, onninuupuxerya mukhalelo wa anamalamulela a apinaatamu, eyo piiyo, okathi wotheene onnikhala namalamulela muulupalexa. Nave eveersu ela enninuupuxerya wira Yehova torina okhulupale waavikana makhulupale otheene. Maana owo tori Mukhulupale a olumwenku wotheene. Olelo-va, owo onnilamulela omurumeelaka Mwanawe Yesu Kristu, yoowo ori Mwene a Omwene wa Muluku. Okhala wira owo Muluku Oowerya Sotheene, onniweha sotheene, nave Owo ni Mwanawe ta xariya.