Malakiheryo a Moota Wootokosa
Miteko sa Anamwane
Anamuyari aakhalana muritti muulupale wa owiixittiha anaaya voohimya sa Yehova. (aEef. 6:4) Mutthenkeso wa Yehova onnikumiherya myaha, iviidiyu ni isipo wiira waakhaliherye anamuyari. Anamuyari anrowa orumeela sai itthu iya sootheene wiira awiixuttihe anaaya?
Murowe musaitini JW.ORG munoophwanya iviidiyu sootheene ni myaha sipakeliwe anamwane. a Wiira mphwanye, murowe opuro oni ophavelasa mulepe “Anamwane”, aahiiso“ Amiravo”.
Muthanleke mwaha wooreerela onrowa omukhaliherya mwaninyu. Opuro oni “Anamwane” nyuwo pooti othanla iviidiyu, isipo ni miteko sinrowa waakhaliherya aniinyu.
Muhaavyeke okathi wiira nvaaneleke ni aniinyu. Muhirumeeleke iviidiyu iyo okathi yoole paahi mwaninyu ohinoona awe yoovara. Ohiya-vo, nvaaneleke ni mwaninyu myaha sinrowa omukhaliherya okhalana waataana wooloka ni Yehova.
a Mwaplikatiivuni JW Library® sookhala iviidiyu sootheene sa anamwane ni amiravo masi nlelo nttaava na Emakhuwa khasikhanle miteko sootheene.