Niireke munaakhula wira

• Aayo

• Nnaari

• Nkinsuwela

Ele Biibiliya Onihimya Awe

“Muhelé mmatatani mwawe [Muluku] ovelavela wanyu wothene, okhala wira owo onnokhapelelani”. (1 Pedru 5:7) Biibiliya onninlipiherya wira Muluku onoowerya wookhaliheryani ovukula oxankiheya.

Exeeni-tho Biibiliya Onihimya Awe?

• Ovekela pooti woophwanyihani “murettele wa Muluku” yoowo onimaliha oxankiheya.​—aFilipi 4:6, 7.

• Nave-tho osoma Nuulumo na Muluku pooti wookhaliheryani oovilela oxankiheya.​—Matheyo 11:28-30.

Atthu akina anikupali wira. . . Okhala wene apinaatamu apattuxiwe wira exankeke ni oriipiwa murima. Nave akina anikupali wira oxanka onrowa omala muhoolo onrowa ahu nuumala okhwa. Nyuwo munoonela sai?

Ele Biibiliya Onihimya Awe:

Muluku onoomaliha itthu sinikumiherya oxanka. “Khunrowa okhala-tho okhwa, nnákhala oripiwa murima, walá ikuttho nnákhala ohawa”.​—Wisupulula 21:4.

• Exeeni-tho Biibiliya onihimya awe?

• Okathi Omwene wa Muluku onrowa aya olamulelaka elapo, atthu anookhalana murettele, ni omaaleleya.​—Yesaya 32:18.