OWEHAWEHA (ONISOMMWA MMULOKONI) Março 2018
Erevista ela erina myaha sinithokoreriwa okhuma: 30 a Abril mpakha 3 a Junyo, 2018.
Muhaana Obatiziwa Wira Mukhale MuKristau
Biibiliya onihimya exeeni voohimya sa obatizo? Mavalo xeeni mutthu okhanle awe ootthara ohinatthi obatiziwa? Nave xeeni muKristau onimwiixuttiha Biibiliya onitthuneya awe wuupuwelelaka yoolukama ya obatizo okathi onimwiixuttiha awe mwanawe wala ole onimusomiha awe Biibiliya?
Anamuyari, Munnaakhaliherya Aniinyu Orowa Vahoolo Wira Abatiziwe?
Exeeni anamuyari maKristau anitthuneya aya osuwelexa anaaya ahinatthi obatiziwa?
Nihaana Owaakhela Aletto!
Xeeni Biibiliya onaatumererya awe maKristau waakhelana? Okathi xeeni orina ahu wira niwaakheleke aletto? Ninrowa oxintta sai itthu sinrowa onooceeliha owaakhela aletto?
Opwapwela Onooniherya Ophenta wa Muluku
Exeeni nniixutta ahu ni matakiheryo a atthu yaapwapweliwe ni Muluku khalai? Nave okathi nnaapwapwela ahu atthu akina, ninrowa omutakiha sai Yehova?
“Nwiriyaneke [Miruku] Wira Mwaphwanye Ankhili”
Mwa inamuna xeeni Yehova onniixuttiha awe wiilaka? Nave ninrowa ottottela sai mureerelo malakiheryo nnaakhela ahu mmulokoni wa eKristau?
