Anamalaleerya anceene, annimurumeela aplikativo JW Library^® wiira alokiherye mithukumano. Okathi nimphavela ahu olokiherya yoosoma ya Owehaweha, aplikativo owo onninikhaliherya ophiya opuro ori mwaha owo nimphavela ahu olokiherya. Masi Owehaweha onisommwa mmulokoni, onnikhalana-tho myaha sikina sinlipiha omwaamini wahu Yehova. Nto aplikativo JW Library, onrowa onikhaliherya sai ophwanya myaha iyo sikina?

• Wanikisa wa khula yoosoma, annoorwa moolumo owi: “Leia também”. Nto vathi va moolumo awo, muttapunye elinkhi eni: “Outros artigos desta revista”. Nyuwo munooweryaka owehe myaha sootheene sa Owehaweha owo. Nave munooweha wiira myaha sinisommwa mmulokoni sookhalana mammeru. Nto iye munrowa anyu ophwanya sihirina mammeru, myaha sikina. Nuumala-vo, muthanleke mwaha muniphavela anyu osoma.

• Enamuna ekina eri orowa va JW Library mpantta oni: “Início”. Nto epaaxina eyo munooweha mpantta oni: “Novidades”. Nto akhala wiira ookumiheriwa Owehaweha a niinaano, munoowerya aka omphwanya mpantta owo ni ombaxari. Nuumala-vo, mmuttapunye Owehaweha mumbaxanri anyu, nto munooweryaka oweha myaha sootheene siri Owehaweha owo. Akhala wiira munoopaka eyo, mukupaliki wiira munoottottela aka mureerelo myaha sootheene sa khula Owehaweha.