Wahala Oopacerya 2:1-55
2 Anamwane a Isarayeli yaari ala: Rubeni, Simeyoni, Levi, Yuda, Isakari, Zabuloni,
2 Dani, Yosefe, Beniyamini, Nefetali, Gadi ni Axeri.
3 Anamwane a Yuda yaari ala: Eri, Onani ni Xela. Anamwane ala araru, aayareliwe ni mwaana mwaamuthiyana a Xuwa, a oKanaani. Masi Eri mwaana oopacerya oyariwa ni Yuda, aanipaka itthu sootakhala vamaithoni va Yehova. Tivo Muluku aahimwiiva.
4 Tamari, mwaara a mwanawe Yuda aahimuyara Peresi ni Zerahi. Anamwane ootheene a Yuda yaari athanu.
5 Anamwane a Peresi yaari ala: Hesironi ni Hamuli.
6 Anamwane a Zerahi yaari ala: Zinri, Etani, Hemani, Kalikoli ni Dara. Waatakaaha ootheene yaari athanu.
7 Mwaana* a Karmi aari Akari,* yoowo aakumihenrye ehasara atthu a Isarayeli, ni ahoonihenrye ororomeleya ni itthu saahimmwale wiira sahaana opwetexiwa.
8 Mwaana* a Etani aari Azariya.
9 Anamwane aayareliwe awe Hesironi yaari ala: Yerameyeli, Rami ni Kelubayi.*
10 Rami aahimuyara Aminadabi. Aminadabi aahimuyara Naasoni, muhooleli a osuulu wa Yuda.
11 Naasoni aahimuyara Salima. Salima aahimuyara Bowazi.
12 Bowazi aahimuyara Obedi. Obedi aahimuyara Yese.
13 Yese aahimuyara mwaana oopacerya Eliyabi, a nenli Abinadabi, a neeraru Ximeya,
14 a neexexe Netaneli, a neethanu Radayi,
15 a neethanu namosa Osemi ni a neethanu nenli Davidi.
16 Axirokoraya yaihaniwa Seruwiya ni Abigayili. Anamwane a Seruwiya yaari araru: Abixayi, Yowabi ni Asaheli.
17 Abigayili aahimuyara Amasa, nave paapa awe Amasa aihaniwa Yeteri, a wIximayeli.
18 Kalebi* mwaana a Hesironi, aahaayara anamwane ni mwaarawe Azuba ni Yeriyoti. Anamwane awo yaari ala: Yexeri, Xobabi ni Aridoni.
19 Nuumala Azuba okhwa, Kalebi aahimuthela Efrata. Vano Efrata aahimuyara Huri.
20 Huri aahimuyara Uri. Uri aahimuyara Besaleli.
21 Nuumala-vo, Hesironi aahirupa ni mwaana mwaamuthiyana a Makiri, paapa awe Xileyaadi. Hesironi aarina iyaakha 60 okathi aamuthenle awe. Vano muthiyana owo aahimuyarela mwaana aihaniwa Segubi.
22 Segubi aahimuyara Yayiri, yoowo aarina ipooma 23 elapo ya oXileyaadi.
23 Nuuvira okathi, atthu a oXesuri ni a oSiiria, yaahaakuxa atthu a oHawothi-Yayiri ni a oKenathi vamosa ni mittetthe saya saamukhaani,* otakaaha ipooma sootheene saari 60. Ootheene awo yaari atthu a osuulu wa Makiri, paapa awe Xileyaadi.
24 Nuumala Hesironi okhwa elapo ya oKalebi-Efarata, Abiya mwaarawe Hesironi aahimuyara mwaana aihaniwa Axihuri, paapa* awe Tekowa.
25 Anamwane a Yerameyeli, mwaana oopaceriwa a Hesironi yaari ala: mwaana oopaceriwa Rami, Buna, Oreni, Osemi ni Ahiya.
26 Yerameyeli aahikhalana mwaarawe mukina, yoowo aihaniwa Atara. Atara aari maama awe Onami.
27 Anamwane a Rami, mwaana oopaceriwa a Yerameyeli yaari ala: Maasi, Yamini ni Ekeri.
28 Anamwane a Onami yaari ala: Xamayi ni Yada. Anamwane a Xamayi yaari ala: Nadabi ni Abixuri.
29 Mwaarawe Abixuri aihaniwa Abihayili, yoowo aamuyarenle anamwane ala: Ahabani ni Molidi.
30 Anamwane a Nadabi yaari ala: Seledi ni Apayimi. Masi Seledi aahikhwa ohirina anamwane.
31 Mwaana* a Apayimi aari Ixi. Mwaana* a Ixi aari Xexani, nave mwaana* Xexani aari Ahilayi.
32 Anamwane a Yada, munnawe Xamayi yaari ala: Yeteri ni Yonathani. Masi Yeteri aahikhwa ohirina anamwane.
33 Anamwane a Yonathani yaari ala: Pelethi ni Zaza. Ola waari osuulu wa Yerameyeli.
34 Xexani khaarina anamwane axilopwana, aarina anamwane axithiyana paahi. Vano Xexani aahikhalana murumeyi a wExiitu aihaniwa Yariha.
35 Xexani aahimutheliha murumeyi awe Yariha mwanawe mwaamuthiyana, nto owo aahimuyarela mwaana mwaamulopwana aihaniwa Atayi.
36 Atayi aahimuyara Natani. Vano Natani aahimuyara Zabadi.
37 Zabadi aahimuyara Efilali. Nto Efilali aahimuyara Obedi.
38 Obedi aahimuyara Yehu. Vano Yehu aahimuyara Azariya.
39 Azariya aahimuyara Helesi. Nto Helesi aahimuyara Eleyasa.
40 Eleyasa aahimuyara Sisimayi. Vano Sisimayi aahimuyara Xalumi.
41 Xalumi aahimuyara Yekamiya. Yekamiya aahimuyara Elixama.
42 Anamwane a Kalebi,* muhima awe Yerameyeli aari Mexa mwaana oopacerya oyariwa, yoowo aari paapa awe Zifi. Nave yaahikhala anamwane a Marexa paapa awe Hebroni.
43 Anamwane a Hebroni yaari ala: Kora, Tapuwa, Rekemi ni Xema.
44 Xema aahimuyara Rahami, paapa awe Yorikeyami. Rekemi aahimuyara Xamayi.
45 Mwaana a Xamayi aari Mawoni. Vano Mawoni aari paapa awe Bethi-Suri.
46 Efa, muthiyana mukina* a Kalebi aahimuyarela anamwane ala: Harani, Mosa ni Gazezi. Nave Harani aahimuyara Gazezi.
47 Anamwane a Yahadayi yaari ala: Rekhemi, Yotami, Gexani, Peleti, Efa ni Xaafi.
48 Maaka, muthiyana mukina* a Kalebi, aahimuyarela anamwane ala: Xeberi ni Tirihana.
49 Nuuvira okathi, owo aahimuyara Xaafi paapa awe Madimana, Xeva paapa awe Makibena ni Gibeeya. Mwaana mwaamuthiyana a Kalebi aihaniwa Akisa.
50 Ola waari osuulu wa Kalebi.
Anamwane a Huri, mwaana oopacerya oyariwa a Efrata yaari ala: Xobali paapa awe Kiriyathi-Yarimi,
51 Salima paapa awe Betelehemu ni Harefi paapa awe Bethi-Gaderi.
52 Xobali paapa awe Kiriyathi-Yarimi aahikhalana anamwane ala: Harowe ni nimeya na atthu a Menuhoti.
53 Imusi sa Kiriyathi-Yarimi saari iya: ayitiri, aputi, axumati ni amixirayi. Atthu a oSoratita ni wExitawoli yaakhumme imusi seiya.
54 Osuulu wa Salima yaari atthu yaakhala oBetelehemu, oNetofa, ni Atirothi-Bethi-Yowabi. Nave nimeya na atthu yaakhala oManahathi ni atthu yaakhala oSorita, yaari osuulu wa Salima.
55 Imusi sa alipa-oowiixuttiha nlamulo saakhala oYayebesi, saari iya: atireya, aximeya ni asukati. Atthu ala yaari osuulu wa akeni, yaakhuma nloko na Hamati, mukhulupale a nloko na Rekabi.
Inoota
^ Eheeberi, “anamwane axilopwana”.
^ Nsina nintaphulela “ole onikumiherya ehasara; ole onikumiherya mixankiho”. Nave-tho onniihaniwa Akaani yoolepa ya Yooxuwa 7:1.
^ Eheeberi, “anamwane”.
^ Nave-tho onniihaniwa Kalebi iversiikulu 18, 19 ni 42.
^ Onniihaniwa-tho Kelubayi eversiikulu 9.
^ Aahiiso, “Saarukuryenrye”.
^ Masina makina a ekapiitulu ela, woonasa wene onihimmwa opuro ohiya masina a atthu. Tivo, nuulumo noowi “Paapa awe” woonasa-wene onihimmwa “ole opacerinhe oteka”.
^ Eheeberi, “Anamwane”.
^ Eheeberi, “Anamwane”.
^ Eheeberi, “anamwane”.
^ Nave-tho, onniihaniwa Kelubayi eversiikulu 9.
^ Nwehe Moolumo Ootthokiheriwa ani: “Muthiyana Mukina”.
^ Nwehe Moolumo Ootthokiheriwa ani: “Muthiyana Mukina”.
