Wahala Oopacerya 24:1-31
24 Ikurupu sa osuulu wa Aroni saari iya: Anamwane a Aroni yaari ala: Nadabi, Abihu, Eleyazari ni Itamari.
2 Nadabi ni Abihu, yaahikhwa ohinatthi paapa aya okhwa, nave awo khiyaarina anamwane. Masi Eleyazari ni Itamari yaahithipelela orumeela ntoko anamukuttho.
3 Davidi vamosa ni Sadoki a osuulu* wa Eleyazari, ni Ahimeleki a osuulu wa Itamari, yaahaakawanya anamukuttho ikurupu sene wiira avareke muteko yaathanleliwe aya.
4 Okhala wiira anamwane a Eleyazari ti yaarina ahooleli anceene waavikana anamwane a Itamari, awo yaakawanyiwe so: Ahooleli a imusi sa anamwane a Eleyazari yaari 16, nave ahooleli a imusi sa anamwane a Itamari yaari 8.
5 Nave awo yaakawanyiwe evonyiwaka esorti, ikurupu soopiili saavara vamosa, okhala wiira yaahikhala maxeefi yaavara muteko opuro woowaarya ni maxeefi yanvarela muteko Muluku eekeekhai, eriyari ya osuulu wa Eleyazari ni osuulu wa Itamari.
6 Nuumala-vo, Xemaya mwaana a Netaneli sekretaario a alevi, aahilepa masina aya ohoolo wa mwene, wa makhulupale, wa namukuttho Sadoki, wa Ahimeleki mwaana a Abiyatari, ni ohoolo wa ahooleli a imusi sa anamukuttho ni alevi. Aanithanliwa muhooleli mmosa a emusi ya Eleyazari ni muhooleli mmosa a emusi ya Itamari.
7 Esorti yoopacerya yaahimmorela Yehoyaribi, ya nenli yaahimmorela Yedaya,
8 ya neeraru yaahimmorela Harimi, ya neexexe yaahimmorela Seyorimi,
9 ya neethanu yaahimmorela Malikiya, ya neethanu na mosa yaahimmorela Miyamini,
10 ya neethanu nenli yaahimmorela Hakosi, ya neethanu neeraru yaahimmorela Abiya,
11 ya neethanu naxexe yaahimmorela Yexuwa, ya namuloko yaahimmorela Xekaniya,
12 ya namuloko ni emosa yaahimmorela Eliyaxibi, ya namuloko ni piili yaahimmorela Yakimi,
13 ya namuloko neeraru yaahimmorela Hupa, ya namuloko ni xexe yaahimmorela Yexebeya,
14 ya namuloko neethanu yaahimmorela Biiliga, ya namuloko neethanu namosa yaahimmorela Imeri,
15 ya namuloko neethanu nenli yaahimmorela Heziri, ya namuloko neethanu neeraru yaahimmorela Hapisesi,
16 ya namuloko neethanu neexexe yaahimmorela Petahiya, ya namiloko miili yaahimmorela Yehezikeli,
17 ya namuloko miili namosa yaahimmorela Yakini, ya namuloko miili ni piili yaahimmorela Gamuli,
18 ya namuloko miili ni tthaaru yaahimmorela Delaya, nave ya namuloko miili neexexe yaahimmorela Maaziya.
19 Iya saari soothanleliwa sa muteko aya okathi yaakela aya mpaani mwa Yehova, ettharaka malakiheryo yaakumiheriwe ni muhavinre aya Aroni, ntoko Yehova Muluku a Isarayeli aamurumme awe.
20 Alevi akina yaahanle taala: anamwane a Amurami, aahikhala Xubayeli; anamwane a Xubayeli, aahikhala Yehedeya;
21 anamwane a Rehabiya, aahikhala muhooleli Ixiya;
22 anamwane a Isehari, aahikhala Xelomothi; anamwane a Xelomothi, aahikhala Yahathi;
23 anamwane a Hebroni, aahikhala muhooleli Yeriya, a nenli aari Amariya, a neeraru aari Yahaziyeli, a neexexe aari Yekameyami;
24 anamwane a Uziyeli aahikhala Mika, anamwane a Mika aahikhala Xamiri.
25 Munnawe Mika aari Ixiya. Anamwane a Ixiya, aahikhala Zakariya.
26 Anamwane a Merari aari Mali ni Muxi. Anamwane a Yaaziya, aahikhala Beno.
27 Anamwane a Merari yaari ala: anamwane a Yaaziya aahikhala Beno, Xohami, Zakuri ni Ibiri;
28 anamwane a Mali aahikhala Eleyazari, yoowo ahaarina anamwane;
29 anamwane a Kiixi aahikhala Yerameyeli;
30 nave anamwane a Muxi aari Mali, Ederi ni Yerimothi.
Ala yaari anamwane a Levi moovarihana ni ahooleli a imusi saya.
31 Nave-tho, awo yaahivonya esorti ntoko yaapanke aya axinnaya, anamwane a Aroni, ohoolo wa mwene Davidi, wa Sadoki, wa Ahimeleki, ni ohoolo wa ahooleli a imusi sa anamukuttho ni alevi. Muhooleli muulupale a imusi saya, aahithokoreriwa enamuna emosa-ru aathokoreriwe awe muhooleli mwaamukhaani.
Inoota
^ Eheeberi, “anamwane”.
