Wahala Oopacerya 6:1-81
6 Anamwane a Levi yaari ala: Gerisoni, Kehathi ni Merari.
2 Anamwane a Kehathi yaari ala: Amurami, Isehari, Hebroni ni Uziyeli.
3 Anamwane a Amurami yaari ala: Aroni, Moise, ni Miriyamu. Nave anamwane a Aroni yaari ala: Nadabi, Abihu, Eleyazari ni Itamari.
4 Eleyazari aahimuyara Pineha, Pineha aahimuyara Abixuwa.
5 Abixuwa aahimuyara Buki, Buki aahimuyara Uzi.
6 Uzi aahimuyara Zerahiya, Zerahiya aahimuyara Merayothi.
7 Merayothi aahimuyara Amariya, Amariya aahimuyara Ahitubi.
8 Ahitubi aahimuyara Sadoki, Sadoki aahimuyara Ahimaasi.
9 Ahimaasi aahimuyara Azariya, Azariya aahimuyara Yohanani.
10 Yohanani aahimuyara Azariya. Owo aahirumeela ntoko namukuttho, empa yeeyo Salomoni aatenke awe oYerusalemu.
11 Azariya aahimuyara Amariya, Amariya aahimuyara Ahitubi.
12 Ahitubi aahimuyara Sadoki, Sadoki aahimuyara Xalumi.
13 Xalumi aahimuyara Hilikiya, Hilikiya aahimuyara Azariya.
14 Azariya aahimuyara Seraya, Seraya aahimuyara Yehosadaki.
15 Yehosadaki aahiroihiwa weepotthani, okathi Yehova aaroihale awe weepotthani atthu a oYuda ni a oYerusalemu aavahereryaka mmatatani mwa Nabukodonosori.
16 Anamwane a Levi yaari ala: Gerisomi,* Kehathi ni Merari.
17 Masina a anamwane a Gerisomi yaari ala: Liibini ni Ximeyi.
18 Anamwane a Kehathi yaari ala: Amurami, Isehari, Hebroni ni Uziyeli.
19 Anamwane a Merari yaari ala: Mali ni Muxi.
Imusi sa alevi moovarihana ni amuhavinre aya tiiya:
20 Mwaana a Gerisomi aari Liibini, mwaana a Liibini aari Yahathi, mwaana a Yahathi aari Zimma,
21 mwaana a Zimma aari Yowa, mwaana a Yowa aari Ido, mwaana a Ido aari Zerahi, mwaana a Zerahi aari Yayaterayi.
22 Anamwane* a Kehathi yaari ala: mwaana a Kehathi aari Aminadabi, mwaana a Aminadabi aari Kora, mwaana a Kora aari Asiri,
23 mwaana a Asiri aari Elikana, mwaana a Elikana aari Ebiyasafi, mwaana a Ebiyasafi aari Asiri,
24 mwaana a Asiri aari Tahathi, mwaana a Tahathi aari Uriyeli, nave mwaana a Uriyeli aari Xawuli.
25 Anamwane a Elikana yaari ala: Amasayi ni Ahimoti.
26 Anamwane a Elikana mukina yaari ala: mwaana a Elikana aari Sofayi, mwaana a Sofayi aari Nahathi,
27 mwaana a Nahathi aari Eliyabi, mwaana a Eliyabi aari Yerohami, mwaana a Yerohami aari Elikana.
28 Anamwane a Samuweli yaari ala: oopacerya oyariwa aari Yoweli, a nenli aari Abiya.
29 Anamwane a Merari yaari ala: mwaana a Merari aari Mali, mwaana a Mali aari Liibini, mwaana a Liibini aari Ximeyi, mwaana a Ximeyi aari Uza,
30 mwaana a Uza aari Ximeya, mwaana a Ximeya aari Haxiya, nave mwaana a Haxiya aari Asaya.
31 Ala yaari alopwana Davidi aathanlale awe wiira yiipeke isipo mpaani mwa Yehova, nuumala nivuku na nivarihano opwehiwa mpaani memmo.
32 Awo yaahikhalana muritti wa wiipa mutabernaakulu ya etenta ya muthukumano. Nuumala Salomoni oteka empa ya Yehova oYerusalemu, nlelo awo yaanivara muteko yaathanleliwe aya.
33 Masina a alopwana yaavara muteko owo vamosa ni anaaya taala: Akehathi, mulipa-oowiipa aari Hemani, mwaana a Yoweli, mwaana a Samuweli,
34 mwaana a Elikana, mwaana a Yerohami, mwaana a Eliyeli, mwaana a Towa,
35 mwaana a Zufi, mwaana a Elikana, mwaana a Mahathi, mwaana a Amasayi,
36 mwaana a Elikana, mwaana a Yoweli, mwaana a Azariya, mwaana a Sefaniya,
37 mwaana a Tahathi, mwaana a Asiri, mwaana a Ebiyasafi, mwaana a Kora,
38 mwaana a Isehari, mwaana a Kehathi, mwaana a Levi, mwaana a Isarayeli.
39 Moono woolopwana wa Hemani, aakhala munna awe, Asafi. Asafi aari mwaana a Berekiya, mwaana a Ximeya,
40 mwaana a Mikhayeli, mwaana a Bayasiya, mwaana a Malikiya,
41 mwaana a Ethini, mwaana a Zerahi, mwaana a Adaya,
42 mwaana a Etani, mwaana a Zimma, mwaana a Ximeyi,
43 mwaana a Yahathi, mwaana a Gerisomi, mwaana a Levi.
44 Osuulu wa Merari ni axinnawe, yaari moono woothiyana. Weiwo aahikhala Etani mwaana a Kiixi, mwaana a Abidi, mwaana a Maluki,
45 mwaana a Haxabiya, mwaana a Amaziya, mwaana a Hilikiya,
46 mwaana a Amisi, mwaana a Bani, mwaana a Xemeri,
47 mwaana a Mali, mwaana a Muxi, mwaana a Merari, mwaana a Levi.
48 Axinnawe alevi yaahithanleliwa* ovara miteko sootheene otabernaakulu, eyo piiyo, empa ya Muluku eekeekhai.
49 Aroni ni anaawe yaanivaha mwiixi wa mikuttho soopahiwa valtaari waavahiwa soovaha ni valtaari a nsenso, avaraka muteko waavarihana ni itthu soowaaryaxa, wiira awaakiherye itampi atthu a Isarayeli, moovarihana ni itthu sootheene Moise murumeyi a Muluku eekeekhai aarumme awe.
50 Osuulu wa Aroni waari ola: mwaana a Aroni aari Eleyazari, mwaana a Eleyazari aari Pineha, mwaana a Pineha aari Abixuwa,
51 mwaana a Abixuwa aari Buki, mwaana a Buki aari Uzi, mwaana a Uzi aari Zerahiya,
52 mwaana a Zerahiya aari Merayothi, mwaana a Merayothi aari Amariya, mwaana a Amariya aari Ahitubi,
53 mwaana a Ahitubi aari Sadoki, nave mwaana a Sadoki aari Ahimaasi.
54 Iya saari mittetthe saya, mapuro yaamanke aya mmuttettheni mwaya: Esorti yoopacerya yaahimorela osuulu wa Aroni, waari wa emusi ya akehathi.
55 Nto awo yaahivahiwa oHebroni, elapo ya oYuda, vamosa ni mittetthe saya saarukurenrye.
56 Masi ematta ya epooma eyo ni mittetthe saya, yaahinvaha Kalebi mwaana a Yefune.
57 Osuulu wa Aroni waahivahiwa ipooma* sootthyawela, oHebroni vamosa ni oLibina ni mittetthe saya, oYatiri, wExitemowa ni mittetthe saya,
58 oHileni ni mittetthe saya, oDebiri ni mittetthe saya,
59 wAxani ni mittetthe saya, ni oBethi-Xemexi ni mittetthe saya.
60 Nihimo na Beniyamini naahivahiwa oXeeba ni mittetthe saya, wAlemethi ni mittetthe saya ni wAnatothi ni mittetthe saya. Otakaaha ipooma sootheene saavahiwe aya imusi saya saari 13.
61 Osuulu wa Kehathi waahanle, waahivahiwa ipooma 10, sa imusi sa mahimo makina ni sa nimeya na nihimo na Manase.
62 Osuulu wa Gerisomi moovarihana ni imusi saya yaahivahiwa ipooma 13 sa nihimo na Isakari, na Axeri, na Nefetali ni nihimo na Manase, oBaxani.
63 Osuulu wa Merari, moovarihana ni imusi saya, evonyiwaka esorti yaahivahiwa ipooma 12 sa nihimo na Rubeni, na Gadi, ni na Zabuloni.
64 Siiso aisarayeli yaahaavaha alevi ipooma iya ni mittetthe saya.
65 Nto, evonyiwaka esorti, awo yaahivahiwa ipooma iya sa nihimo na Yuda, nihimo na Simeyoni ni nihimo na Beniyamini, seiyo siniromoliwa masina aya.
66 Imusi sikina sa akehathi saahivahiwa ipooma sa nihimo na Efrayimi, ntoko muttetthe aya.
67 Awo yaahivahiwa ipooma* sootthyawela, oSikhemi ni mittetthe saya, seiyo saari muttetthe wa omiyaakoni wa wEfrayimi, oXezeri ni mittetthe saya,
68 oYokomowami ni mittetthe saya, oBethi-Horoni ni mittetthe saya,
69 wAiyaloni ni mittetthe saya ni oGathi-Rimoni ni mittetthe saya.
70 Nave imusi sikina saahanle sa akehathi saahivahiwa ni nimeya na nihimo na Manase, wAneri ni mittetthe saya vamosa ni oBileyami ni mittetthe saya.
71 Osuulu wa Gerisomi waahivahiwa ni nimeya na nihimo na Manase, oGolani wa oBaxani ni mittetthe saya vamosa ni wAxitarothi ni mittetthe saya.
72 Nave yaahivahiwa ni nihimo na Isakari, oKedexi ni mittetthe saya, oDaberathi ni mittetthe saya,
73 oRamothi ni mittetthe saya ni wAnemi ni mittetthe saya.
74 Yaahivahiwa-tho ni nihimo na Axeri, oMaxali ni mittetthe saya, wAbidoni ni mittetthe saya,
75 oHukoki ni mittetthe saya ni oRehobi ni mittetthe saya.
76 Nave-tho yaahivahiwa ni nihimo na Nefetali, oKedexi wa oGalileya ni mittetthe saya, oHamoni ni mittetthe saya, ni oKiriyatayimi ni mittetthe saya.
77 Osuulu mukina waahanle wa Merari waahivahiwa ni nihimo na Zabuloni, oRimono ni mittetthe saya, oTabori ni mittetthe saya.
78 Nave yaahivahiwa ni nihimo na Rubeni mpantta onikhuma nsuwa wa oYordani, waattamela oYeriko, vamosa ni oBeseri waari woothakoni ni mittetthe saya, oYahasa ni mittetthe saya,
79 oKedemothi ni mittetthe saya, ni oMefaathi ni mittetthe saya.
80 Yaahivahiwa-tho ni nihimo na Gadi, oRamothi wa oXileyaadi ni mittetthe saya, oMahanayimi ni mittetthe saya,
81 oHexeboni ni mittetthe saya, ni oYazeri ni mittetthe saya.
Inoota
^ Nave-tho onniihaniwa Gerisoni eversiikulu 1.
^ Aahiiso, “Osuulu wa”.
^ Eheeberi, “yaahivahiwa”.
^ Aahiiso, woonasa wene: “epooma”. Moovarihana ni Yooxuuwa 21:13.
^ Aahiiso, woonasa wene: “epooma”. Moovarihana ni Yooxuuwa 21:21.
