Wahala Oopacerya 7:1-40
7 Vano, anamwane a Isakari yaari axexe: Tola, Puwa, Yaxubi ni Ximironi.
2 Nave anamwane a Tola yaari ala: Uzi, Refaya, Yeriyeli, Yahimayi, Ibisami ni Xemuweli, yaawo yaari ahooleli a imusi saya. Osuulu wa Tola yaahikhala anakhotto ootupa, yaawo yaari 22.600 mahiku a Davidi.
3 Osuulu* wa Uzi aari Izihari ni anamwane a Izihari: Mikhayeli, Obadiya, Yoweli ni Ixiya. Ootheene aya, athanu, yaari maxeefi.*
4 Vano awo ni osuulu aya, moovarihana ni imusi saya, yaahikhalana anakhotto 36.000 oolikana ene owana ekhotto, okhala wiira yaahikhalana axaaraya anceene ni anamwane.
5 Nave axinna aya, a imusi sootheene sa Isakari, yaari anakhotto ootupa. Ootheene aya yaari alopwana 87.000 yaalempwale masina aya.
6 Anamwane a Beniyamini yaari araru: Bela, Bekeri ni Yediyayeli.
7 Anamwane a Bela yaari athanu: Esiboni, Uzi, Uziyeli, Yerimothi ni Iri. Awo yaari ahooleli a imusi saya, anakhotto ootupa, nave ootheene aya yaari 22.034 yaalempwale masina aya.
8 Anamwane a Bekeri yaari ala: Zemira, Yowaxi, Eliyeezeri, Eliyowenayi, Omiri, Yeremothi, Abiya, Anatothi ni Alemethi. Ootheene ala yaari anamwane a Bekeri.
9 Ale yaalempwale moovarihana ni osuulu aya, etthariwaka ahooleli a imusi saya, yaari 20.200, anakhotto ootupa.
10 Anamwane a Yediyayeli aari Bilihani ni anamwane a Bilihani: Yewuxi, Beniyamini, Ehuudi, Kenaana, Zetani, Taarisi ni Ahixahari.
11 Ootheene ala yaari anamwane a Yediyayeli, moovarihana ni ahooleli a amuhavinre aya, anakhotto ootupa 17.200 oolikana ene owana ekhotto.
12 Axupimi ni ahupimi yaari anamwane a Iri, vano ahuximi yaari anamwane a Aheri.
13 Anamwane a Nefetali yaari ala: Yahasiyeli, Guni, Yeseri ni Xalumi. Ala yaari alopwana a osuulu* wa Biliha.
14 Anamwane a Manase yaari ala: Asiriyeli, yoowo aayareliwe awe ni muthiyana mukina* a oSiiria. (Muthiyana owo taamuyanre Makiri, paapa awe Xileyaadi.
15 Makiri aahimwaavya muthiyana mmosa wiira omuthelihe Hupimi, nave muthiyana mukina wiira omuthelihe Xupimi. Murokorawe aihaniwa Maaka.) Nsina na mwaana a nenli aihaniwa Selofehadi, masi Selofehadi aarina anamwane axithiyana paahi.
16 Maaka, mwaarawe Makiri, aahimuyara mwaana onvaha nsina noowi Perexi, munnawe aihaniwa Xerexi, vano anamwane a Xerexi yaihaniwa Ulami ni Rekemi.
17 Mwaana* a Ulami aari Bedani. Ala yaari anamwane a Xileyaadi, mwaana a Makiri, mwaana a Manase.
18 Murokorawe aihaniwa Hamolekethi. Owo aahimuyara Ixehodi, Abiyezeri ni Mahala.
19 Anamwane a Xemida yaari ala: Ahiyani, Sikhemi, Liikhi ni Aniyami.
20 Anamwane a Efrayimi yaari ala: mwaana a Efrayimi aari Xutela, mwaana a Xutela aari Beredi, mwaana a Beredi aari Tahathi, mwaana a Tahathi aari Eleyada, mwaana a Eleyada aari Tahathi,
21 mwaana a Tahaathi aari Zabadi, mwaana a Zabadi aari Xutela. Nave-tho Efrayimi aahimuyara Eseri ni Eleyadi. Alopwana a Gathi, yaawo yaayariwe elapo ele, yaahiwiiva anamwane awo okhala wiira yaahirowa okuxa mireerelo saya.
22 Paapa aya, Efrayimi, aahivira mahiku manceene owunlelaka anamwane awo. Nave axinnawe yaanirowa ommaaliha.
23 Nuumala-vo, aahirupa ni mwaarawe, nto mwaarawe owo aahirupala omuyara mwaana. Owo aahinvaha nsina noowi Beriya,* okhala wiira mwaarawe aayanre okathi yaarina aya mixankiho vatthokoni vaya.
24 Mwanawe mwaamuthiyana aihaniwa Xeera, yoowo aatenke muttetthe wa oBethi-Horoni Wookhuruwa, ni oBethi-Horoni Woottukhuwa ni muttetthe wa Uzeni-Xeera.
25 Refa ni Rexefi, yaari osuulu wa Efrayimi. Mwaana a Rexefi aari Tela, mwaana a Tela aari Tahani,
26 mwaana a Tahani aari Ladani, mwaana a Ladani aari Amihudi, mwaana a Amihudi aari Elixama,
27 mwaana a Elixama aari Nuni, mwaana a Nuni aari Yooxuuwa.*
28 Elapo aya ni mittetthe saya waari oBeteli ni mittetthe saya saamukhaani, mpantta onikhuma nsuwa wa oNaarani, mpantta onikela nsuwa wa oXezeri ni mittetthe saya saamukhaani, oSikhemi ni mittetthe saya saamukhaani, mpakha wAiya* ni mittetthe saya saamukhaani.
29 Nave, waattamela muttetthe wa osuulu wa Manase waari oBethi-Xeyani ni mittetthe saya saamukhaani, oTaanaki ni mittetthe saya saamukhaani, oMegido ni mittetthe saya saamukhaani, ni oDori ni mittetthe saya saamukhaani. Osuulu wa Yosefe mwaana a Isarayeli, waakhala ipooma seiyo.
30 Anamwane a Axeri yaari ala: Imina, Ixiva, Ixivi ni Beriya. Nave murokoraya aihaniwa Sera.
31 Anamwane a Beriya yaari ala: Heeberi ni Malikiyeli, yoowo aari paapa awe Birizayithi.
32 Heeberi aahimuyara Yafileti, Xomeri ni Hotami, ni murokoraya Xuwa.
33 Anamwane a Yafileti yaari ala: Pasaki, Bimihali ni Axivathi. Ala yaari anamwane a Yafileti.
34 Anamwane a Xemeri* yaari ala: Ahi, Rohiga, Yehuba ni Arami.
35 Anamwane a munnawe, Helemi,* yaari ala: Sofahi, Imina, Xelexi ni Amali.
36 Anamwane a Sofahi yaari ala: Suwa, Harineferi, Xuwali, Beri, Imira,
37 Beseri, Hodi, Xamima, Xilixa, Itirani ni Beyera.
38 Anamwane a Yeteri yaari ala: Yefune, Pisipa ni Ara.
39 Anamwane a Ula yaari ala: Arahi, Haniyeli ni Risiya.
40 Ootheene ala yaari anamwane a Axeri, ahooleli a imusi saya, oothanliwa, anakhotto ootupa ni ahooleli a maxeefi a anakhotto. Ootheene aya yaari anakhotto 26.000 yaalempwale masina aya, oolikana ene owana ekhotto.
Inoota
^ Eheebeeri, “Anamwane”.
^ Eheebeeri, “ahooleli”.
^ Eheeberi, “anamwane”.
^ Nwehe Moolumo Ootthokiheriwa ani: “Muthiyana Mukina”.
^ Eheeberi, “Anamwane”.
^ Nsina nintaphulela, “ni mixankiho”.
^ Aahiiso, “Yehoxuuwa”, nsina nintaphulela “Yehova ti moopoli”.
^ Aahiiso, woonasa wene: “OGaza”, masi ohiya oGaza wa afilisti.
^ Nave onniihaniwa Xomeri eversiikulu 32.
^ Woonasa wene onihimmwa “Hotami”, oniromoliwa eversiikulu 32.
