Wahala Oopacerya 9:1-44
9 Aisarayeli ootheene yaahilempwa masina aya, nave aalempwa muliivuruni mwa mamwene a wIsarayeli. Atthu a oYuda yaahikuxiwa aroihiwaka weepotthani oBabilonia, mwaha woohiroromeleya waya.
2 Aisarayeli akina, anamukuttho, alevi ni ale yaavara muteko mutemplo,* ti yaapacenrye ohokolowela elapo aya ni ipooma saya.
3 Vano osuulu mukina wa Yuda, wa Beniyamini, wa Efrayimi ni wa Manase waaronwe okhala oYerusalemu tuula:
4 Utayi mwaana a Amihudi, mwaana a Omiri, mwaana a Imiri, mwaana a Bani, a osuulu wa Peresi mwaana a Yuda.
5 Asaya, mwaana oopacerya oyariwa a osuulu wa Xela.
6 Anamwane a Zerahi, Yeweli ni axinnawe 690.
7 Osuulu wa Beniyamini aahikhala Salu mwaana a Mexulami, mwaana a Hodaviya, mwaana a Hasenuwa,
8 Ibineya mwaana a Yerohami, Elahi mwaana Uzi, mwaana a Mikiri ni Mexulami mwaana a Xefatiya, mwaana a Reweli, mwaana a Ibiniya.
9 Nave axinnaya yaalempwale masina aya yaari 956. Alopwana ala ootheene yaari ahooleli a imusi saya.
10 Anamukuttho yaari ala: Yedaya, Yehoyaribi, Yakini,
11 Azariya mwaana a Hilikiya, mwaana a Mexulami, mwaana a Sadoki, mwaana a Merayothi, mwaana a Ahitubi, muhooleli a etemplo* ya Muluku eekeekhai,
12 Adaya mwaana a Yerohami, mwaana a Paxehuri, mwaana a Malikiya, Masayi mwaana a Adiyeli, mwaana a Yahizera, mwaana a Mexulami, mwaana a Mexilemithi, mwaana a Imeri,
13 ni axinnawe, ahooleli a imusi saya yaari 1.760, alopwana oowerya ni oolikana ene ovara miteko saavariwa empa ya Muluku eekeekhai.
14 Alevi yaari ala: Xemaya mwaana a Haxubi, mwaana a Azirikami, mwaana a Haxabiya, a osuulu wa Merari,
15 Bakibakari, Herexi, Galali, Mataniyahi, mwaana a Mika, mwaana a Ziikiri, mwaana a Asafi,
16 Obadiya mwaana a Xemaya, mwaana a Galali, mwaana a Yedutuni, ni Berekiya mwaana a Asa, mwaana a Elikana, yaawo yaakhala mittetthe saamukhaani sa oNetofa.
17 Makwarta a vamukhora yaari ala: Xalumi, Akubi, Talimoni ni Ahimani. Muhooleli Xalumi, munnaya,
18 yoowo mpakha okathi ole aari kwarta a vamukhora va mwene mpantta onikhuma nsuwa. Ala yaari atthu yaarumeela vamukhora opuro yaamaka aya alevi.
19 Xalumi mwaana a Kore, mwaana a Ebiyasafi, mwaana a Kora ni axinnawe a emusi awe, akorathi, ti yaarina muritti wooweherya mikhora sa etenta, nave, amuhavinre aya ti yaarina muritti wooweherya empa ya Yehova.
20 Khalai, Pineha mwaana a Eleyazari, taari muhooleli aya, nave Yehova ari nuuwo.
21 Zakariya mwaana a Mexelemiya, taaweherya mukhora wa etenta ya muthukumano.
22 Atthu ootheene yaathanliwe wiira akhale makwarta a vamukhora yaari 212. Yaahimaka mittetthe saya saamukhaani moovarihana ni moota yaalempwale aya masina aya. Awo yaathanliwe ni Davidi vamosa ni Samuweli mulipa onisuwela otaphulela itthu ooniheriwe awe ni Muluku, wiira avareke muteko owo yaaroromeliwe aya.
23 Awo ni anaaya ti yaarina muritti wooweherya mikhora sa empa ya Yehova, ni etenta.*
24 Makwarta a vamukhora yaakhala ipantta xexe: mpantta onikhuma nsuwa, mpantta onikela nsuwa, onorti ni osuuli.
25 Okathi ti okathi axinnaya yaanirwa akhumaka mittetthe saya saamukhaani wiira yakhale vamosa ni awo mahiku 7.
26 Nave yaahithanleliwa maxeefi* maxexe a makwarta a vamukhora, yaawo yaavahiwe miteko suulupale. Maxeefi awo yaari alevi, nave yaahithanleliwa oweherya isaala ni mihakhu sa empa ya Muluku eekeekhai.
27 Awo yaaniviriha ohiyu ari ene mapuro aya erukurenryeene empa ya Muluku eekeekhai, okhala wiira muteko aya waari owehaweha, okhapelela ixaavi ni ohula mikhora sa empa eyo khula voosiisu.
28 Akina a yaawo yaahikhalana muritti wa oweherya mireerelo saavareliwa muteko; awo yaanikontari okathi mireerelo iyo saattikihiwa aya, ni okathi saakuxiwa aya.
29 Akina yaarina muritti wookhapelela mireerelo, eyo piiyo, mireerelo sootheene sowaarya, otthu* wooreerexa, eviinyu, makhura, nsenso nootteela,* ni makhura a baalsamu.
30 Anamwane akina a anamukuttho, yaanipaka makhura oowunkhela a baalsamu.
31 Mulevi mmosa aihaniwa Matithiya, mwaana oopacerya oyariwa a Xalumi, mukorathi, aahivahiwa muritti woopaka iboolu ni iphaawu soowooxiwa.
32 Axinnaya akina a nloko na akehathi, yaahikhalana muritti woopaka iphaawu saavahiwa Muluku khula esaabadu.
33 Awo yaari alipa-oowiipa, ahooleli a imusi sa alevi yaakhala musaala, nave khiyavara muteko mukina okhala wiira muritti aya waari ovara muteko othana ni ohiyu.
34 Ala yaari ahooleli a imusi sa alevi, yaalempwale masina aya, yaawo yaari maxeefi. Awo yaakhala oYerusalemu.
35 Paapa awe Xibeyoni, Yeyeli, aakhala oXibeyoni. Mwaarawe aihaniwa Maaka.
36 Mwanawe oopacerya oyariwa aihaniwa Abidoni, aamutthara aari Suri, Kiixi, Bayali, Neri, Nadabi,
37 Gedori, Ahiyo, Zakariya ni Mikilothi.
38 Mikilothi aahimuyara Ximeyami. Nto ootheene aya yaattamanne ni axinnaya yaakhala oYerusalemu, ni axinnaya akina.
39 Neri aahimuyara Kiixi, Kiixi aahimuyara Sawuli, Sawuli aahimuyara Yonathani, Malikixuwa, Abinadabi ni Exibayaali.
40 Nave, mwaana a Yonathani aari Meri-Bayali. Meri-Bayali aahimuyara Mika.
41 Anamwane a Mika yaari ala: Pitoni, Meleki, Tareeya ni Akhazi.
42 Akhazi aahimuyara Yara, Yara aahimuyara Alemethi, Azimavethi ni Zinri. Zinri aahimuyara Mosa.
43 Mosa aahimuyara Bineya, nave mwaana a Bineya aari Refaya, mwaana a Refaya aari Eleyasa, mwaana a Eleyasa aari Aseli.
44 Aseli aarina anamwane 6, masina aya yaari ala: Azirikami, Bokeru, Iximayeli, Xeyariya, Obadiya ni Hanani. Ala yaari anamwane a Aseli.
Inoota
^ Aahiiso, “anetenimi”. Eheeberi, “ale yaavahereriwe”.
^ Aahiiso, “empa”.
^ Eheeberi, “empa ya etenta”.
^ Eheeberi, “alipa-oowerya”.
^ Aahiiso, “ephepa yoorerexa”.
^ Aahiiso, “erupani yoottela”.
