Eezira 10:1-44
10 Okathi Eezira aavekela awe ni ohimyaka itampi sa atthu awe, inlaka okokhonre ene ohoolo wa empa ya Muluku eekeekhai, muttitthi muulupale wa alopwana, athiyana ni anamwane a atthu a Isarayeli yaahithukumana amurukurerya, nave atthu awo yaaninla vanceene.
2 Nto Xekaniya mwaana a Yehiyeli, a osuulu wa Elami aahimuhimeerya Eezira wiira: “Hiyo khaniroromeleyale wa Muluku ahu naathelaka athiyana a ilapo sikina. Hata vari siiso, atthu a Isarayeli nlelo aakhalana nlipelelo.
3 Vano nrowe nipake nivarihano ni Muluku ahu wiira niwoomole athiyana awo ootheene ni anaaya, nittharaka malakiheryo a Yehova ni ale anittittimiha yooruma ya Muluku ahu. Nrowe nipake eyo nittharaka nlamulo.
4 Nvenye, okhala wiira ola muritti anyu, nto hiyo nnimookhaliheryani. Mulipe murima ni mpacerye ovara muteko”.
5 Vano Eezira aahivenya ni aahiwiiriha makhulupale a anamukuttho, alevi ni atthu ootheene a Isarayeli oleiherya wiira yampaka ele yaahimmwale. Nto awo yaahileiherya opaka eyo.
6 Eezira aahivenya ohoolo wa empa ya Muluku eekeekhai, okela esaala ya Yehohanani mwaana a Eliyaxibi. Nnaamwi aaronwe opuro owo, khaalyaale etthu nnakhala khaawunrye etthu okhala wiira aaninla mwaha wa atthu ale yaatthinke weepotthani.
7 Awo yaahilaleya oYuda wootheene ni oYerusalemu wootheene wiira atthu ootheene yaatthinke weepotthani athukumane oYerusalemu.
8 Nto, moovarihana ni yoothanla ya makhulupale ni axitokweene, ole ahaarowa ophiya muhina mwa mahiku mararu mireerelo sawe sootheene saamukuxiwa ni aamukumihiwa eriyari ya muloko ole wa atthu ale yaatthinke weepotthani.
9 Nto muhina mwa mahiku mararu, eyo piiyo, nihiku 20 na mweeri wa neethanu neexexe, alopwana ootheene a oYuda ni a oBeniyamini yaahithukumana oYerusalemu. Atthu ootheene yaahikilaathi vate wa nivate na empa ya Muluku eekeekhai, nave atthu awo yaanithukumela mwaha wa mulattu ole ni mwaha wa epula yinceene.
10 Nto namukuttho Eezira aahivenya onaaleela atthu ale oriki: “Nyuwo khamoonihenrye ororomeleya mwaha woowaathela athiyana a ilapo sikina, nave muhincererya mulattu wa atthu a Isarayeli.
11 Vano mmuleele Yehova Muluku a amuhavinre anyu, nave mpakeke ele eniphavela awe. Nvalaane ni atthu a ilapo soorukurenryeni, ni nvalaane ni axaarinyu a ilapo sikina”.
12 Siiso muloko ole wootheene waahaakhula ni nsu noowiiwanyeya wiiraka: “Tthiri, nihaana opaka itthu sootheene munihimya anyu.
13 Masi atthu ala khareere waatta, nave ola okathi wa epula. Khivanweryaneya okhala vate, nave mwaha ola khaninrowa omaliha nihiku nimosa aahiiso mahiku manli, maana khanireere otepa ohiiwelela ni mulattu ola.
14 Nto, xontte, mwaahiye makhulupale ahu ahale vaava ni akhapelele mwaha ola ni nsina na atthu ootheene. Nuumala-vo, atthu ootheene a ipooma sahu yaawo yaathenle athiyana a ilapo sikina, animoorwa vaava okathi onrowa othanliwa, vamosa ni axitokweene ni alipa-oophuka a khula epooma, mpakha hiyo omaliha onanariwa wa Muluku ahu, mwaha wa mulattu ola”.
15 Masi Yonathani mwaana a Asaheli, ni Yahazeya mwaana a Tikwa yaahikhootta eyo, nave alevi Mexulami ni Xabitayi yaahaakhaliherya.
16 Ale yaatthinke weepotthani yaahipaka ele yaiwananiwe, nave namukuttho Eezira ni ahooleli a imusi saya ni atthu ootheene yaalempwale masina aya, yaahithukumana yaawo-ru nihiku noopacerya na mweeri wa namuloko wiira atokose mwaha ola.
17 Nihiku noopacerya na mweeri woopacerya awo yaahimaliha milattu sootheene sa alopwana ale yaathenle athiyana a ilapo sikina.
18 Nave vaahisuweliwa wiira anamwane akina a anamukuttho yaahaathela athiyana a ilapo sikina; anamwane a Yexuwa, mwaana a Yehosadaki ni axinnawe, aahikhala: Maaseya, Eliyeezeri, Yaribi ni Gedaliya.
19 Masi awo yaahileiherya wiira yanwoomola axaaraya a ilapo sikina, nave mwaha wookhalana mulattu, yanvaha epwittipwitthi yaamukhaani ya munikotoni mwaya.
20 Anamwane a Imeri aahikhala Hanani ni Zebadiya;
21 anamwane a Harimi aahikhala Maaseya, Eliya, Xemaya, Yehiyeli ni Oziya;
22 anamwane a Paxehuri aahikhala Eliyowenayi, Maaseya, Iximayeli, Netaneli, Yozabadi ni Eleyasa.
23 Alevi aahikhala Yozabadi, Ximeyi, Kelaya (eyo piiyo Kelita), Petahiya, Yuda ni Eliyeezeri;
24 alipa-oowiipa aahikhala Eliyaxibi; vano makwarta a vamukhora aahikhala Xalumi, Telemi ni Uri.
25 Atthu a Isarayeli, anamwane a Parewoxi aahikhala Ramiya, Iziya, Malikiya, Miyamini, Eleyazari, Malikiya ni Benaya;
26 anamwane a Elami aahikhala Mataniyahi, Zakariya, Yehiyeli, Abidi, Yeremothi ni Eliya;
27 anamwane a Zatu aahikhala Eliyowenayi, Eliyaxibi, Mataniyahi, Yeremothi, Zabadi ni Aziza;
28 anamwane a Bebayi aahikhala Yehohanani, Hananiya, Zabayi ni Atilayi;
29 anamwane a Bani aahikhala Mexulami, Maluki, Adaya, Yaxubi, Xeyali ni Yeremothi;
30 anamwane a Pahathi-Mowabi aahikhala Aadina, Kelali, Benaya, Maaseya, Mataniyahi, Besaleli, Binuwi ni Manase;
31 anamwane a Harimi aahikhala Eliyeezeri, Ixiyahi, Malikiya, Xemaya, Simeyoni,
32 Beniyamini, Maluki ni Xemariya;
33 anamwane a Haxumi aahikhala Matenayi, Matata, Zabadi, Elifeleti, Yeremayi, Manase ni Ximeyi;
34 anamwane a Bani aahikhala Maatayi, Amurami, Uyeli,
35 Benaya, Bediya, Keluhi,
36 Vaniya, Meremothi, Eliyaxibi,
37 Mataniyahi, Matenayi ni Yaasayi;
38 anamwane a Binuwi aahikhala Ximeyi,
39 Xelemiya, Natani, Adaya,
40 Makinadebayi, Xaxayi, Xarayi,
41 Azareli, Xelemiya, Xemariya,
42 Xalumi, Amariya ni Yosefe;
43 anamwane a Nebo aahikhala Yeyeli, Matithiya, Zabadi, Zebina, Yadayi, Yoweli ni Benaya.
44 Ootheene ala yaahaathela athiyana a ilapo sikina, nave yaahiwoomola vamosa ni anaaya.
