Masaalimu 137:1-9
137 Naahikilaathi mukerekhere mwa miro sa oBabiloonia.
Naaninla, okathi nuupuwela ahu oSiyoni.
2 Naahaathomeya aviola ahu,Mmirini* siri elapo eyo.*
3 Ale yaanivanre yaanivekela wiira niipe isipo,Ale yaanitheya, yaaphavela wiira naatteeliheke murima, yiiraka:
“Muniipele nsipo nimosa na oSiyoni”.
4 Ninrowa wiipa sai nsipo na Yehova,Elapo ya aneene?
5 Vakhala wiira kinimooliyalani, nyuwo Yerusalemu,Weeso ntata naka noolopwana, nihiweryeke ovara etthu.*
6 Eyano aka ehilavuleke,*Vakhala wiira miyo kinimooliyalani,Vakhala wiira nkinrowa otteeliwaka murima vanceene mwaha wa nyuwo Yerusalemu,Ovikana itthu sootheene.
7 Yehova, muupuwele,Etthu atthu a wEdomi yaahimmye aya, nihiku Yerusalemu aamonre awe, yiiraka:
“Mpwexakase! Mpwexakase mpakha waaphwanya alisenso aya!”
8 Nyuwo epooma ya oBabiloonia, munrowa opwetexiwa moohipisa.Oohakalala tuule onrowa woottikiheryani,Etthu muniirenle anyu.
9 Oohakalala tuule onrowa waavara aniinyu,Oweepetthele vamwala.
Inoota
^ Nuulumo na eheeperi nnihimya mwiri woosuwelaxiwa waakhala mukerekhere mwa muro.
^ Onihimmwa oBabiloonia.
^ Aahiiso, woonasa wene: “nikhale noowuuma”.
^ Eheeperi, “nlumi naka niphare mwaano mwaka”.
