Masaalimu 2:1-12
2 Xeeni maloko annanariwa aya?Nave xeeni atthu anuupuwela aya itthu seethiru?
2 Mamwene a mulaponi aaheemela,Nave anamalamulela aathukumana poromosa,Wiira awane ni Yehova ni ole omuthanlale awe.*
3 Awo anihimya wiira: “Nrowe nikwase ikwirinti anitthukwanne aya,Nave nrihe mikhoyi anitthukwanne aya!”
4 Ole ehice awe eri wiirimu onrowa waatheya;Yehova onrowa waanyoholela.
5 Okathi owo, owo onoolavula naawo onanariwe ene,Onoowoopopiha ni onanariwa wawe vanceene,
6 Owo onoohimya so: “Ti miyo kimukhalinhe mwene aka,OSiyoni, mwaako aka woowaarya”.
7 Kinoolaleya etthu Yehova ohimmye awe;Owo ookileela wiira: “Nyuwo mwa mwanaka;Olelo, miyo ka tiithi anyu.
8 Mukivekele etthu, nto miyo kinimoovahani maloko wiira akhale awinyu,Ni elapo yootheene wiira ekhale yawinyu.
9 Munrowa opwetexa maloko awo ni ekopo ya yuuma,Nave munoopwexakasa ntoko mwaapu wa oloko”.
10 Vano, nyuwo mamwene, mooniherye okhalana ankhili;Nyuwo alipa-oophuka milattu, mweemererye ottaruxiwa.*
11 Mmooveke Yehova ni mmurumeeleke yoowo,Nave-tho, mutteeliweke murima ni muthukumeleke ohoolo wawe.
12 Mmuttittimiheke* mwaana, wiira Muluku* ohinanariwe,Wiira muhikhwe,*Okhala wiira Owo onninanariwa moowaakuveya.
Oohakalala ti yaale anitthyawela wa Muluku.
Inoota
^ Aahiiso, “Kristu awe”.
^ Aahiiso, “mweemererye olopoliwa”.
^ Eheeperi, “Mumpexari”.
^ Eheeperi, “Owo”.
^ Aahiiso, “Wiira muhirimeele ephiro ya anaxariya”.
