Masaalimu 57:1-11
Para tiretoore a isipo. Nsipo ninlavula sa Muhikipwetexe. Mikitaami.* Nsipo na Davidi, nenlo iipale awe okathi aipinthe awe mukhukuni, omutthyawaka Sawuli.
57 Khoo Muluku, mukireerele murima!Mukireerele murima, okhala wiira kinnitthyawela wa nyuwo,Nave kinnitthyawela vathi va mapupha anyu, mpakha ovira etthu yoowoopiha.
2 Kinninvekela Muluku Muulupalexa,Muluku eekeekhai, yoowo onaamala-maliha awanani aka.
3 Muluku onookikhaliherya ori ene wiirimu ni onookoopola.
Onoowaakanyerya ale anikilupattha. (Selahi)
Muluku onookikhaliherya siiso, maana onnikiphenta ni toororomeleya.
4 Miyo koorukureriwa ni akharamu;Hata okathi kinimpaathi aka wiira kirupe, kinnaattameliwa ni atthu anlikana ni inama sinaakhuura atthu,Yaawo maino aya ari ntoko mavaka ni mattheere,*Nave nlumi naya ninlikana ni espaata yoowiitha.*
5 Khoo Muluku, nvuwihiwe wiirimu;Nave ovuwa wanyu okhale elapo yootheene ya vathi.
6 Awanani aka aalokiherya ntthavi wiira kiwaye;Kooriipiwa murima vanceene.
Awo aathipa nlitti ohoolo waka,Masi amorenle axineene. (Selahi)
7 Khoo Muluku, murima aka woolipa,Murima aka woolipa.
Kinoowiipelani nsipo, koottottopelakani.
8 Miyo kinoovenya.
Miyo kinoovenya oxaka.
Kimphavela omoopa viola,
Ni ikaruma sikina sa isipo sirina mikhoyi.
9 Yehova, kinimoottottopelani eriyari ya atthu,Kinoowiipelani isipo eriyari ya atthu a maloko ootheene.
10 Ophenta wanyu woororomeleya ti wuulupale, onniphiya wiirimu,Nave ororomeleya wanyu onniphiya mmeekuni.*
11 Khoo Muluku, nvuwihiwe wiirimu;Nave ovuwa wanyu okhale elapo yootheene ya vathi.
Inoota
^ Nwehe Moolumo Ootthokiheriwa.
^ Aahiiso, “mareetthe”.
^ Aahiiso, “xoowa oowiitha”.
^ Eheeperi, “okathi wootheene munniroromeleya”.
