Nehemiya 7:1-73
7 Nuumala omalihiwa otekiwa exiri, kaahihela mikhora opuro aya; nuumala-vo makwaarta a vamukhora, alipa-oowiipa ni alevi yaahithanleliwa miteko saya.
2 Moottharelana, kaahimuthanla munnaka Hanani, wiira oweheryeke myaha oYerusalemu, vamosa ni Hananiya xeefi a opuro woolipihiwa, okhala wiira aari mulopwana oororomeleya ni aamoova Muluku eekeekhai, waavikana atthu akina.
3 Nto kaahaalela wiira: “Mikhora sa oYerusalemu sihihuliweke nsuwa nihinatthi opatta, nave makwaarta a vamukhora ahaana owala ni otthukwa okathi yoowo anvara aya muteko. Nave mwaathanle alopwana oYerusalemu wiira akhale makwaarta, akina akhaleke opuro woolipelela, nave akina akhaleke ohoolo wa ipa saya”.
4 Epooma ele khiyaareere wunnuwa nave yaahikhalana opuro munceene, masi yaakhala atthu vakhaani, nave ipa khisaatthikeliwe otekiwa.
5 Masi Muluku aka, aahikivaha ankhili* oowaathukumanya atthu oovuwa ni makuvernatoro makina ni atthu wiira alempwe masina aya. Kaahiphwanya eliivuru yaalempwale masina a atthu yaapacenrye otthika, yeeyo yaalempwale wiira:
6 Ala yaari alopwana a eprovinsia yaakhumme weepotthani, yaawo mwene Nabukodonosori a oBabiloonia aaroihale awe weepotthani. Awo yaahitthikela oYerusalemu ni oYuda, khula mutthu epooma awe.
7 Awo yaatthinke vamosa ni Zorobabeli, Yexuwa, Nehemiya, Azariya, Raamiya, Nahamani, Mordekayi, Bilixani, Misiperethi, Bigivayi, Nehumi ni Bayanahi.
Nummuru na alopwana a Isarayeli naahela muhina:
8 anamwane a Parewoxi, 2.172;
9 anamwane a Xefatiya, 372;
10 anamwane a Arahi, 652;
11 anamwane a Pahathi-Mowabi, a osuulu wa Yexuwa ni Yowabi, 2.818;
12 anamwane a Elami, 1.254;
13 anamwane a Zatu, 845;
14 anamwane a Zakayi, 760;
15 anamwane a Binuwi, 648;
16 anamwane a Bebayi, 628;
17 anamwane a Azigadi, 2.322;
18 anamwane a Adonikami, 667;
19 anamwane a Bigivayi, 2.067;
20 anamwane a Adini, 655;
21 anamwane a Ateri, a Ezekiya, 98;
22 anamwane a Haxumi, 328;
23 anamwane a Bezayi, 324;
24 anamwane a Harifi, 112;
25 anamwane a Xibeyoni, 95;
26 alopwana a oBetelehemu ni oNetofa, 188;
27 alopwana a wAnatothi, 128;
28 alopwana a oBethi-Azimavethi, 42;
29 alopwana a oKiriyathi-Yarimi, oKefira ni oBeerothi, 743;
30 alopwana a oRama ni oXeeba 621;
31 alopwana a oMikimaasi, 122;
32 alopwana a oBeteli ni wAyi, 123;
33 alopwana a oNebo okina, 52;
34 anamwane a Elami mukina, 1.254;
35 anamwane a Harimi, 320;
36 anamwane a Yeriko, 345;
37 anamwane a Lodi, Hadidi ni Ono, 721;
38 anamwane a Senaya, 3.930.
39 Anamukuttho: anamwane a Yedaya a etthoko ya Yexuwa, 973;
40 anamwane a Imeri, 1.052;
41 anamwane a Paxehuri, 1.247;
42 anamwane a Harimi, 1.017.
43 Alevi: anamwane a Yexuwa ni Kadimiyeli, a anamwane a Hodeva, 74.
44 Alipa-oowiipa: anamwane a Asafi, 148.
45 Makwaarta a vamukhora: anamwane a Xalumi, anamwane a Ateri, anamwane a Talimoni, anamwane a Akubi, anamwane a Hatita, anamwane a Xobayi, 138.
46 Ale yaavara muteko mutemplo:* anamwane a Siha, anamwane a Hasufa, anamwane a Tabawothi,
47 anamwane a Kerosi, anamwane a Siha, anamwane a Padoni,
48 anamwane a Lebana, anamwane a Hagaba, anamwane a Salimayi,
49 anamwane a Hanani, anamwane a Gideli, anamwane a Gahari,
50 anamwane a Reyaya, anamwane a Resini, anamwane a Nekoda,
51 anamwane a Gazami, anamwane a Uza, anamwane a Paseya,
52 anamwane a Besayi, anamwane a Mewoni, anamwane a Nefuxisimi,
53 anamwane a Bakibuki, anamwane a Hakufa, anamwane a Haruri,
54 anamwane a Basilithi, anamwane a Mehida, anamwane a Harixa,
55 anamwane a Barikosi, anamwane a Siisera, anamwane a Tamahi,
56 anamwane a Nesiya, anamwane a Hatifa.
57 Anamwane a arumeyi a Salomoni: anamwane a Sotayi, anamwane a Soferethi, anamwane a Perida,
58 anamwane a Yayala, anamwane a Darikoni, anamwane a Gideli,
59 anamwane a Xefatiya, anamwane a Hatili, anamwane a Pokerethi-Hasebayimi, anamwane a Amoni.
60 Ootheene ale yaavara muteko mutemplo* ni anamwane ootheene a arumeyi a Salomoni yaari 392.
61 Ale yaalempwale yaakhuma oTeli-Melahi, oTeli-Harixa, oKerubi, wAdoni ni wImeri, yahaawerya osuwela imusi saya ni yahaawerya osuwela etthoko yaayariwe aya, vakhala wiira yaari aisarayeli wala nnaari, yaari ala:
62 anamwane a Delaya, anamwane a Tobiya, anamwane a Nekoda, 642.
63 Anamukuttho: anamwane a Habaya, anamwane a Hakosi, anamwane a Barizilayi, yoowo aamuthenle mmosa a anamwane axithiyana a Barizilayi a oXileyaadi, ni aavahiwe nsina na emusi eyo.
64 Ootheene ala yaahaavya opuro yaalempwale aya masina aya, wiira asuwele emusi aya, masi khiyaaphwannye. Tivo yaahihiihiwa muteko wa onamukuttho.*
65 Kuvernatoro* aahaaleela wiira ehilyeeke itthu soowaaryexa, mpakha okhumelela namukuttho aarowa okohererya Urimi ni Tumimi.
66 Nummuru na muloko wootheene naari 42.360,
67 ohikontari ipottha soolopwana ni ipottha soothiyana, seiyo saari 7.337; nave yaahikhala alipa-oowiipa 245 alopwana ni athiyana.
68 Ikhavalo saya saari 736, inama saya siniihaniwa muula* saari 245,
69 ikamelo saya saari 435, apuuru aya yaari 6.720.
70 Ahooleli akina a imusi saya yaahivaha mireerelo saya wiira akhaliherye muteko. Kuvernatoro aahivaha musurukhu itraakima* 1.000 sa eweero, itixela 50 ni malaya 530 para anamukuttho.
71 Nave ahooleli akina a imusi saya yaahivaha musurukhu itraakima 20.000 sa eweero ni imiina* 2.200 sa eparatha.
72 Nave atthu akina yaahivaha itraakima 20.000 sa eweero, imiina 2.000 sa eparatha ni malaya 67 oorakama para anamukuttho.
73 Nave anamukuttho, alevi, makwaarta a vamukhora, alipa-oowiipa, atthu akina, ale yaavara muteko mutemplo* ni aisarayeli ootheene yaakhala ipooma saya. Nuumala ophiya mweeri wa neethanu nenli, aisarayeli yiira akhalaka mpooma mwaya.
Inoota
^ Eheeperi, “aahipweha vamurimani vaka”.
^ Aahiiso, “Anetinimi”. Eheeperi, “ale yaavahereriwe”.
^ Aahiiso, “Anetinimi”. Eheeperi, “ale yaavahereriwe”.
^ Aahiiso, “yaahihiihiwa muteko wa onamukuttho okhala wira yaari ntoko oohireerihiwa”.
^ Aahiiso, “Tirisata”, mwiihanelo wa oPersia aahimmwa kuvernatoro a eprovinsia.
^ Mwaamunama onlikana ni puuru, yoowo onitotholiwa okathi onikumanela aya ekhavalo ni puuru oothiyana.
^ Okhala wene yaalikana ni etaariki ya eweero ya oPersia yeeyo yaalemela ikarama 8.4, ohiya edrakima eniromoliwa soolempwa sa Ekereku. Munwehe Apendise B14.
^ Emiina emosa eniromoliwa soolempwa sa Eheeperi, yaalemela ikarama 570. Munwehe Apendise B14.
^ Aahiiso, “Anetinimi”. Eheeperi, “ale yaavahereriwe”.