Yoobi 41:1-34
-
Muluku onnilavula sa Leviyataani ootikiniha (1-34)
41 “Niireke munoowerya onwatthula Leviyataani* ni coolo?Aahiiso otthukwa nlumi nawe ni mukhoyi?
2 Niireke munoowerya oviriha mukhoyi* mphulani mwawe,Aahiiso othorola iyano sawe ni coolo?*
3 Niireke wiira owo onimooxonttelani wiira mmoonele othunku,Aahiiso onooweepesani?
4 Niireke wiira onoopaka nivarihano ni nyuwo,Wiira okhale epottha anyu okumi anyu wootheene?
5 Niireke munoomuthweeliha, ntoko mwaarowa anyu omuthweeliha mwaapalame,Aahiiso mwammutthukwelela ni mukhoyi wiira aniinyu axithiyana amuthweeliheke?
6 Niireke wiira alipa antotha ihopa annimutumiha?
Niireke alipa a nakoso anookawana?
7 Niireke munoowerya othorola esapala awe ni mareetthe,*Aahiiso othorola muru awe ni mavaka anihomaniwa ihopa?
8 Mweererya ohela ntata nanyu vasulu vawe;Nyuwo khamunrowa oliyala ekhotto eyo. Nave khamuntthikela-tho wiira etthu eyo!
9 Akhala mutthu oniroromela wiira onoowerya omweettiha Leviyataani, owo onimwiiwoka.
Onweha-ru paahi, nyuwo munnimoova vanceene.*
10 Khuuvo oneererya ompaca owo.
Tivonto, ti pani oniwerya owana ni miyo?
11 Ti pani opacenrye okivaha etthu, wiira miyo kimuttikiherye?
Itthu sootheene siri mulaponi ti sawaka.
12 Nkinimaala olavula mwaha wa metto sawe,Ni mwaha wa ikuru sawe ni erutthu awe yoopakiwa saana.
13 Ti pani oniwerya waattula esapala awe?
Ti pani onrowa okela mwaano mwawe aathamme ene?
14 Ti pani oniwerya ohula eyano awe?
Maino ootheene arukurenrye mwaano* mwawe, toowoopiha.
15 Ottuli wawe aakhala maapaliwe,*Awo aaluttelelana makina ni makhwaaya.
16 Naapaliwe nimosa ninniphiteeryana saana ni nikhwaaya,Tivo, epheyo khenivira eriyari aya.
17 Khula naapaliwe, noopharerelana ni nikhwaaya;Ootheene annitthukwana vahinaweryaneya ohiyanasa.
18 Waaxamurya wawe onnikumiherya waarya wootutha,Nave maitho awe anlikana ni waarya wa nsuwa voosiisu.
19 Mwaano mwawe ennikhumelela etari;Onnikhuma-mo mooro.
20 Mphulani mwawe onnikhuma mwiixi,Ntoko efornu enipatta mooro.*
21 Iphumu sawe sinnipattiha makhala,Nave mwaano mwawe onnikhuma mooro.
22 Exiko awe ti yoolipa,Ale anikumana ni Leviyataani owo, annoova vanceene.
23 Esapala ya erukulu awe ti yoolipa;Eyo ti yoolipa ntoko esoltareliwe vaavo, ni khenittikinyeya.
24 Murima awe ti woolipa ntoko nluku,Aayo, ti woolipa ntoko kanaha.*
25 Okathi oneemela awe, hata atthu oowerya, annoova;Wiittikinya wawe woowaakuveya, onnaatikiniha atthu.
26 Khiivo espaata* eniwerya omooniha owereya;Nnakhala nivaka aahiiso nreetthe.*
27 Para owo, eyuuma eri ntoko malaxi,Nave ekoopiri eri ntoko matera oowuntta.
28 Owo khonitthyawa nivaka;Maluku anvonyiwa ni fiska, anikhala ntoko malaxi oowuuma.
29 Ekopo eri ntoko malaxi,Owo onnitheya okathi atthu aninvonyerya aya nivaka.
30 Vathi vawe vari ntoko mavali oothokolowa;Okathi vanivira awe vanttopheni, onnooneya nvinre awe.*
31 Onniiriha maasi oowiixerya okaphula ntoko mwaapu;Okathi onikela awe mphareya, maasi annikhuma nipheru, ntoko mwaapu orina makhura anikaphula.*
32 Mmaasini munivira awe, onniiriha okhuma nipheru.
Vanakhala ntoko wiira maasi awo oowiixa arina ipwi.
33 Khiivo etthu mulaponi enlikana ni Leviyataani,Owo opattuxiwe wiira ohooveke etthu.
34 Nave onniweha khula enama yoowiixinnuwiha, ohoovaka etthu.
Owo tori mwene a inama sootheene sa mutakhwani, suulupale ni soowoopiha”.
Inoota
^ Woonasa wene, enihimmwa ekonya.
^ Eheeperi, “ettheere”.
^ Eheeperi, “miiwa”.
^ Aahiiso, “mattheere”.
^ Aahiiso, “enimoorihelani vathi”.
^ Eheeperi, “mikhora sa owiitho waya”.
^ Aahiiso, “maapanuwa”; aahiiso, woonasa wene: “wiixinnuwiha waya ti maapaliwe aya”.
^ Aahiiso, “efornu entetheeriwa ni nammese”.
^ Aahiiso, “namahaani; nihawo”.
^ Aahiiso, “xoowa”.
^ Aahiiso, “nttheere”.
^ Aahiiso, “onilikana ni ethaapwa erina maluku oowiitha vathi vaya, yeeyo enirumeeliwa para onyakatta etiriku”.
^ Aahiiso, “ntoko mwaapu wa makhura”.
