ANAMATHOONYERYA Anamathoonyerya, muteko aya wookhaliheryani. Xontte, mukhweiherye muteko aya muttharaka oratteene malakiheryo aya, voohimya sa opuro woopweha mikukutta, opuro onivira atthu, osuka opuro wookilaathi, ni itthu sikina.

OPATISO Ale yiivaherenrye wira apatisiwe ahaana okilaathi opuro osukeriwa aya ohoolo wa epalku, vahikhanle wira ninrowa othanliwa nipuro nikina. Awo ahaana okilaathi opuro owo ohinatthi opacerya mwaha wa opatiso, Esaabadu voosiisu. Khuta mutthu onrowa opatisiwa, ohaana oruuha etuwalya ni ekuwo yooreerela owara okathi wa opatiso.

MISONKHERYO Woorumeeliwa musurukhu munceene wira okhale opuro oniphiyerya, mikrofooni, ni miteko sikina seiyo sinaakhaliherya atthu omwaattamela Yehova. Nto, misonkheryo sinivaha anyu ni murima wotheene, sinrowa okhaliherya oliverya musurukhu owo orumeeliwe, ni sinnikhaliherya muteko woolaleerya olumwenku wotheene. Wira nookhweiheryeni, mapuro ala sookhala ikaaxa silempwale so: misonkheryo, mukhanle anyu oorumeela wira nvahe musurukhu anyu. Nave nyuwo pooti orumeela esaiti enihimya so: donate.pr418.com. Sinnixukhureliwa vanceene misonkheryo sotheene. Nikhuuru Noolamulela ninnooxukhurelani mwaha wa misonkheryo sanyu mukhaliheryaka miteko sa Omwene.

MAPURO ANIKHALIHERIWA ARETTA Xontte, muhiliyaleke wira mapuro ala sinithokoreriwa iretta sootutuxerya paahi.

MAPURO A SOORIMEELA NI SOOTTOTTIWA Itthu sotheene sinittottiwa, sihaana oroihiwaka eDepartamento ya Soorimeela ni Soottottiwa. Akhala wira moorimeeliwa etthu, murowe edepartamento yeela wira mwaphavelase etthu yoorimenleni. Anamwane arimenle ahaana oroihiwaka edepartamento yeela. Masi, edepartamento ela ehooniweke ntoko nipuro ninkhapeleliwa anamwane. Xontte, mwaakhapeleleke aniinyu ni akhaleke vakhiviru vanyu.

OPURO WOOKILAATHI Xontte mwaattittimiheke atthu akina. Yowuupuxerya: Mwaasukeryeke opuro atthu yaale murwanne anyu hoothe aahiiso ale a vatthokoni vanyu wala ale anaasomiha anyu Biibiliya paahi. Xontte, muhipweheke mirupa sanyu mapuro yaarowa okilaathi atthu akina.

MUTEKO WOWIIVAHERERYA Vakhala wira muniphavela wiivahererya wira mukhaliherye, xontte, mulavule ni anna a eDepartamento ya Soohimmwa ni Muteko Wowiivahererya.

Exikola ya Anamalaleerya a Omwene Mapioneero arina iyaakha sinikhuma 23 mpakha 65 yaawo aniphavela wunnuuherya muteko aya, annilattuliwa orowa owiriyana muthukumano wa ale aniphavela orowa Exikola ya Anamalaleerya a Omwene, onrowa opakiwa Ettiminku othana. Okathi ni opuro wa muthukumano ola onoohimmwa.