Sawuli aahikhala mwene oopacerya a Isarayeli. Masi Yehova aahimukhootta, nto Davidi aahithanliwa okhala mwene mu nipuro nawe. Ninrowa osuwela itthu sinceene sa Davidi. Nlelo ori mmiravo, owo aahiwana ni nakuruu Goliyathi. Vavinre ene okathi, owo aahimutthyawa Mwene anrima Sawuli. Vattuli vaya Abigayili owo ooreera aahimuhiiha Davidi ovara etthu ya elolo.

Moottharelana, ninrowa wiixutta itthu sinceene sa Salomoni mwaana a Davidi, yoowo aakenle opuro wa Davidi ntoko mwene a Isarayeli. Mamwene mararuu oopacerya a Isarayeli khuta mmosaa aahilamulela iyaakha 40. Nuumala okhwa Salomoni, Isarayeli aahikawanyeya okhala mamwene manli, omwene wa onikela epheyo ni omwene wa okuusini.

Omwene wa onikela epheyo a mahimo 10 waalokenle iyaakha 257 ohinatthi onyaanyiwa ni Asirio. Vattuli va iyaakha 133, omwene wa mahimo manli a okuusini waahinyaanyiwa-tho. Okathi ola anaIsarayeli yaahikuxiwa mweepotthani orowa oBabilonia. Siiso Mpantta wa NEEXEXEE onihela muhina iyaakha 510 sa miyaha, okathi wiiranen’ye itthu sinceene sookuxa murima sinrowa ahu woona.