Epantte ela enipaceriha Soolempwa sa eKristau sa eGriki. Yesu aayariwe emusi yoohithaaciri yeeyo yaakhala epooma yaamukhaani. Owo aahivara muteko ni paapa awe, yoowo aari kalapintero. Yesu paahi taarowa owerya owoopola apinaatamu otheene. Yehova oomuthanla owo okhala Mwene a Omwene wa wiirimu. Akhala wira mwa namuyari, mmukhaliherye mwaninyu oweha saana moota Yehova aathanlale awe ni ephoole emusi ni makhalelo a atthu Yesu aarowa awe ohuuwa. Muthokorerye moota Yehova aamukhapelenle awe Yesu wira ahiiviwe ni Herodi, ni mmooniherye wira khiivo etthu enooceeliha wiiraneya yoolakela ya Yehova. Mwiixuttihe wira Yehova aahimuthanla Yohani wira alokiherye ephiro ya Yesu. Muttittimiherye moota Yesu okhuma emiravo awe oonihenrye awe ophenta miruku aavahiwa awe ni Yehova.