Moolumo Oopacerya a Epantte 6
Nuumala aIsarayeli ophiya Elapo Yooleiheriwa, etabernaakulu ti yaari nipuro naakokhoreliwa Muluku eekeekhai. Anamukuttho yaaniixuttiha Nlamulo, ni makhulupale yaaneettiha nloko notheene. Epantte ela enooniherya moota soothanla ni miteko sa mutthu sinaaphwanyiha aya mureerelo aahiiso waahaaxa atthu akina. Khula mwIsarayeli aahikhalana muritti ohoolo wa Yehova ni wa mwIsarayeli mukhwaawe. Mutthokiherye oratteene moota Debora, Nowemi, Yoxuwa, Ana, mwaana mwaamuthiyana a Yefté, ni Samuweli yaavanre aya muteko wootthuneya, yaakhaliheryaka atthu aya. Muttittimiherye wira hata atthu yahaakhanle a nloko na Isarayeli, ntoko Rahabe, Ruthi, Yayeli ni maGibeyoni, yaahithanla waataana ni aIsarayeli, maana yaaniweha wira Muluku aari naawo.
EPANTTE ELA
YOOSOMA 29
Yehova Aahimuthanla Yoxuwa
Muluku aahinvaha Yoxuwa malakiheryo yaawo annikhaliherya olelo-va.
YOOSOMA 30
Rahabi Aahiwiipithiha Anamahottela
Ixiri sa oYerikho saahimorela vathi. Masi Rahabi ni emusi awe aahivikaniha okhala mpaani hata yaasuwela wira empa ele yaapakiwe ni ixiri.
YOOSOMA 31
Yoxuwa ni MaGibeyoni
Yoxuwa aahinvekela Muluku ohimyaka so: “Weyo nsuwa, wemele”. Niireke Muluku aahimwaakhula?
YOOSOMA 32
Muhooleli a Ninaano ni Athiyana Anli Oolipa Murima
Nuumala Yoxuwa okhwa, aIsarayeli yaahipacerya okokhorela ilatarato. Okumi waari wooxankiha masi nikhaliheryo naarwiiye orweela wa muhooleli Barukhi ni profeta muthiyana Deebora ni ekhomo ya eheema ya Yayeli!
YOOSOMA 33
Ruthi ni Nowemi
Anaamukhweli anli yaahitthikela wIsarayeli. Mmosa a yaawo, Ruthi, aahirowa ovara muteko mmatta, memmo aawehiwe awe ni Bowazi.
YOOSOMA 34
Gedeyoni Aahaaxintta Anakhotto a oMadiyani
Nuumala aMadiyani waahaaxa aIsarayeli, aIsarayeli yaahinvekela yaahinvekela Yehova wira aakhaliherye. Moota xeeni anakhotto vakhaani a Gedeyoni yaawenrye aya waaxintta anakhotto 135 a oMadiyani?
YOOSOMA 35
Ana Aahivekela Okhalana Mwaana Mwaamulopwana
Elikana aahimukuxa Ana, Penina, ni anamwane erowaka okokhorela oTarbernaakulu ya oSilo. Vaavo yaaphiyale aya, Ana aanivekela okhalana mwaana. Nuuvira eyaakha, Samuweli aahiyariwa!
YOOSOMA 36
Natiri a Yefte
Natiri xeeni Yefte aampanke awe, ni nthowa xeeni? Mwaana mwaamuthiyana a Yefte aamoonenle sai natiri a paapa awe?
YOOSOMA 37
Yehova Aahimulavuliha Samuweli
Aana anli a Muulupale a Anamukuttho Eli, yaarumeela ntoko anamukuttho oTabernaakulu, masi awo khiyaamwiiwelela nlamulo na Muluku. Mmiravo Samuweli aari oovirikana. Ohiyu omosa Yehova aahilavula ni Samuweli.
YOOSOMA 38
Yehova Aahinvaha Ikuru Sansoni
Muluku aahinvaha ikuru Sansoni wira owane ni aFilisti, masi okathi Sansoni aapanke awe yoothanla yoohiloka aFilisti yaahinvara.
