EXIKOLA ENIWIIXUTTIHA ANAMALALEERYA A OMWENE Mapioneero arina iyaakha sinikhuma 23 mpakha 65 yaawo aniphavela wunnuuherya muteko aya, annilattuliwa orowa owiriyana muthukumano wa ale aniphavela orowa Exikola Eniwiixuttiha Anamalaleerya a Omwene, onrowa opakiwa Ettiminku makaaripi. Opuro ni okathi wa muthukumano ola onrowa olaleiwa.

ORUMEELA OBETHELI Anamalaleerya oobatiziwa arina iyaakha sihinvikana 35, aniphavela orumeela oBetheli, ahaana orowa owiriyana muthukumano wa ale aniphavela orowa orumeela oBetheli onrowa wiiriwa Namathanu makaaripi. Opuro ni okathi wa muthukumano ola onrowa olaleiwa.

ANAMATHOONYERYA Anamathoonyerya, muteko aya wookhaliheryani. Xontte, mukhweiherye muteko aya muttharaka oratteene soolakiherya saya, voohimya sa opuro woopweha mikukutta, opuro onivira atthu, osuka opuro wookilaathi ni itthu sikina.

MAPURO ANIKHALIHERIWA ARETTA Xontte, muhiliyaleke wira mapuro ala sinithokorerya IRETTA SOOTUTUXERYA PAAHI.

MAPURO A SOORIMEELA NI SOOTTOTTIWA Itthu sotheene sinittottiwa, sohaana oroihiwaka eDepartamento ya Soorimeela ni Soottottiwa. Akhala wira moorimeeliwa etthu, murowe edepartamento yeela wira mwaphavelase etthu yoorimeelaleni. Anamwane yaawo arimenle ahaana oroihiwaka edepartamento yeela. Masi, edepartamento ela ehooniweke ntoko nipuro ninkhapeleliwa anamwane. Xontte, mwaakhapeleleke aniinyu ni akhaleke vakhiviru vanyu.

MUTEKO WOWIIVAHERERYA Vakhala wira muniphavela wiivahererya wira mukhaliherye miteko sinitthuneya ovariwa vamuthukumanoni, xontte, mulavule ni eDepartamento ya Soohimmwa ni Muteko Woowiivahererya.

OBATIZO Ale yiivaherenrye wira yabatiziwe ahaana okilaathi opuro osukeriwa aya ohoolo wa epalku, vahikhanle wira ninrowa othanliwa nipuro nikina. Awo ahaana okilaathi opuro owo ohinatthi opacerya mwaha wa obatizo, Saabadu vaasiisu. Khuta mutthu onrowa obatiziwa, ohaana oruuha etuwalya ni ekuwo yooreerela owara okathi wa obatizo.

OPURO WOOKILAATHI Xontte mwaattittimiheke atthu akina. Yowuupuxerya: Mwaasukeryeke opuro paahi atthu yaale murwanne anyu hoothe aahiiso ale a vatthokoni vanyu wala ale anaasomiha anyu Biibiliya. Xontte, muhipweheke mirupa sanyu mapuro yaarowa okilaathi atthu akina.

SOOVAHA Woorumeeliwa musurukhu munceene wira okhale opuro oniphiyerya, ikaruma sa masu ni iviidiyu, ni miteko sikina seiyo sinaakhaliherya atthu omwaattamela Yehova. Nto, misonkheryo sinivaha anyu ni murima wotheene, sinrowa okhaliherya oliverya musurukhu owo orumeeliwe, ni sinnikhaliherya muteko woolaleerya olumwenku wotheene. Wira nookhweiheryeni, mapuro ala sookhala ikaaxa silempwale masu oowi contribuições wala soovaha. Sinnixukhureliwa vanceene soovaha sotheene. Nikhuuru Noolamulela ninnooxukhurelani mwaha wa soovaha sanyu mukhaliheryaka miteko sa Omwene.