EPANTTE 1
Ninrowa Onwiriyana Sai Muluku?
Muluku onimurumeela Biibiliya wira olavule ni hiyo. 2 Timótheyo 3:16
Muluku aahaaruma atthu wira alepe muupuwelelo awe muliivuruni eniihaniwa Biibiliya. Biibiliya ookhalana soohimmwa sootthuneya seiyo Muluku oniphavela awe wira nyuwo musuwele.
Muluku onnisuwela ele ekhanle yooloka wa hiyo okhala wira owo tokhanle mathipelo a osuwela. Mwanwiriyana, nyuwo munookhala mutthu a miruku.
Muluku oniphavela wira atthu otheene ari molumwenkuni amusomeke Biibiliya, yoowo olelo-va oniphwanyaneya mmattaava manceene.
Akhala wira nyuwo muniphavela onwiriyana Muluku, muhaana omusoma ni omwiiwexexa Biibiliya.
Atthu a khula nipuro anniwiriyana. Matheyo 28:19
Anamoona a Yehova animookhaliheryani nyuwo omwiiwexexa Biibiliya.
Awo anniixuttiha ekeekhai ya Muluku molumwenkuni motheene.
Khamunrowa oliva etthu wira musomihiwe. Nyuwo munoowerya wiixutta nuulumo na Muluku oSalau ya Omwene ya Anamoona a Yehova, mmuttettheni mwanyu.
You May Also Like
ESSENTIAL BIBLE TEACHINGS
Ninrowa Okupali Sai Wira Biibiliya Teekeekhai?
Vakhala wira mwaneene Biibiliya Muluku, nto ohaana okhala oovirikana ni khula eliivuru ekhanle.
ESSENTIAL BIBLE TEACHINGS
Ti pani ori Mwaneene Biibiliya?
Okhala wira apinaatamu tamulempe Biibiliya, nto xeeni ohimmwaka okhala “nulumo na Muluku”? Nto muupuwelo ori mBiibiliyani ti waawani?
MITHUKUMANO
Exeeni Eniiraneya Empa ya Omwene?
Moone eviidiyu ela wiira musuwele ele eniiraneya empa ya omwene.
ONISUWELA
Enipakiwa Sai Yoosoma ya Biibiliya?
Olumwenku wootheene, Anamoona a Yehova annisuweliwa mwaha wa owiixuttiha atthu biibiliya voohiliva etthu. Nwehe moota enipakiwa aya.
ILIIVURU NI IBROXURA
Nyuwo Munimoonela Sai Biibiliya?
Niireke Biibiliya eliivuru ya miruku sa pinaatamu, myaha sowoothiwa, ni ihantisi?
