Munrowa ottottela sai mureerelo soosoma iya sa mBiibiliyani
Osomihiwa ni mutthu mukina: Munvekele yoosoma ya Biibiliya mutthu oovanheni ebroxura ela wala murumeele esaiti jw.org.
MPANTTA WOOPACERYA
Musome ittima sotheene, ohela muhina makoho ooriipihiwa (A). Musome soolepa sa mBiibiliyani siiriwe “musome”. Nave ti vooloka osoma soolepa sinittittimiheriwa (B), maana sinnooniherya iponto suulupale
MPANTTA WA ERIYARI
Vathi va mpantta oni: “Mwiixutte Itthu Sikina” munoophwanya iponto suulupale sa yoosoma (C). Iponto sirina mammeru (D) sinrowa ittittimiheryaka eponto yuulupale enithokoreriwa. Musomeke soolepa sa mBiibiliyani, mwaakhuleke makoho ni nweheke iviidiyu (E).
Muthokoreryeke ifootu ni moolumo anitthokiherya efootu eyo (F), ni muupuweleke etthu mukhanle anyu oohimya mpantta oni: “Atthu Anihimya Wira” (G).
MPANTTA WOOKISERYA
Wanikisa wa yoosoma munoophwanya mipantta sini: “Wuuluula” ni “Iponto Suulupale” (H) Mulepeke nihiku mmalihe anyu osoma yoosoma eyo. Mpantta oni: “Yoosoma ela kimalinhe nihiku” (I) aakhala malakiheryo a itthu munireerela anyu opaka. Vathi va “Nwehe Itthu Sikina” (J) munoophwanya soohimmwa sikina sinrowa wookhaliheryani wiiwexexa mwaha owo.
Moota woophwanya soolepa sa mBiibiliyani
Nimpacerya nsina na eliivuru ya mBiibiliyani (A). Nuumala-vo, ekapiitulu (B), enkiserya eversiikulu wala iversiikulu (C). Mwa ntakiheryo, Yohani 17:3, enitaphulela eliivuru ya Yohani, ekapiitulu 17, eversiikulu 3.
