MURU 16
Mmukhootteke Diabo
“Mmukhotteke Satana: Satan’owo onimotthyawani”.—YAKOBO 4:7.
1, 2. Etthu xeeni ninreerela ahu osuwela voohimya sa Satana ni minepa sawe sootakhala?
OKUMI mParayiisu onrowa okhala woohakalaliha. Okathi owo, nnookhalana okumi Yehova aaphavela awe wira nikhalane. Masi olelo-va, ninkhala olumwenku onilamuleliwa ni Satana ni minepa sootakhala. (2 aKorinto 4:4) Nnaamwi nihinwehaka Satana ni minepa sootakhala, awo aakhala tthiri ni aakhalana owerya wuulupale.
2 Muru ola, ninrowa woona moota nikhanle ahu oolipiha waataana wahu ni Yehova ni wiikhapelela wira nihihapuxiwe ni Satana. Yehova ooleiherya onikhaliherya. Hata vari siiso, nihaana osuwela itthu Satana ni minepa sootakhala anipaka aya wira anihapuxe.
“KHARAMU ONÒPA MURUKULU”
3. Satana oniphavela oniiriha exeeni?
3 Satana onihimya wira apinaatamu animukokhorela Yehova mwaha woowi onnaavaha mireerelo. Nto akhala wira sinimwaakhumelela mixankiho, awo anoohiya omukokhorela Yehova. (Mmusome Yobi 2:4, 5.) Vaavo mutthu oniphavela awe omusuwela Yehova, Satana ni minepa sawe sootakhala anninweha, nto annimulupattha. Nave vaavo mutthu oniivahererya awe wa Yehova ni opatisiwa, awo anninanariwa vanceene. Biibiliya onnimuhimya Satana okhala “kharamu onòpa murukulu, amphavelaka òmukhura”. (1 Pedru 5:8) Tthiri Satana oniphavela ohonona waataana wahu ni Yehova.—Esalimo 7:2, 3; 2 Timótheyo 3:12.
Satana onninanariwa vanceene vaavo nniivahererya ahu wa Yehova
4, 5. (a) Etthu xeeni Satana ohinwerya awe opaka? (b) Ontaphulela exeeni ‘omukhotta Satana’?
4 Masi nihikhala-khale nimoovaka Satana ni minepa sawe sootakhala. Hata Satana onikumiheryaka mixankiho, Yehova khonrowa omweemererya onixintta. Tthiri Yehova ooleiherya wira “muttitthi mulupalexa” wa maKristau eekeekhai, animoopowa okathi wa maxakha maalupale. (Wisupulula 7:9, 14) Diabo khonwerya onikhoottiherya eyo, mwaha woowi Yehova onnaakhapelela atthu awe.
2 Wahala 15:2; mmusome 1 aKorinto 10:13.) Tthiri nnoowerya omukhootta Diabo. Moota xeeni? Akhala wira nnookhala apatthani a Yehova. Eyo ti etthu yaapanke aya arumeyi a Yehova a khalai ntoko: Abeli, Henokhi, Nowe, Sara ni Moise. (aHéberi 11:4-40) Nuulumo na Muluku ninhimya wira: “Mmukhotteke Satana: Satan’owo onimotthyawani”.—Yakobo 4:7.
5 Nakhalana waataana wooloka ni Yehova, Satana khonrowa owerya onimwalanyiha ni Yehova. Biibiliya onninlipiherya oriki: “Apwiya annikhala ni nyuwo, mwakhalakaru n’awo”. (NOOKHALANA EKHOTTO
6. Diabo onnilupattha sai?
6 Nnaamwi Satana osuwelaka wira Yehova khonrowa omweemererya onixintta, masi owo onnipaka itthu sotheene oniwerya awe wira ohonone waataana wahu ni Yehova. Olelo-va, Diabo onninlupattha mwa inamuna soovirikana, masi miraakho onirumeela awe khasiturukeyale. Miraakho xeeni iyo?
7. Xeeni Satana onaalupattha awe arumeyi a Yehova?
7 Murummwa Yohani olempe so: “Elapo yothene enniweriwa ni mutakhali”, eyo piiyo, Diabo. (1 Yohani 5:19) Satana tonilamulela olumwenku ola wootakhala, nave oniphavela waalamulelaka arumeyi a Yehova. (Mikeya 4:1; Yohani 15:19; Wisupulula 12:12, 17) Diabo onnisuwela wira orina okathi vakhaani paahi. Nto oniphavela omuhapuxa khula mmosa a hiyo wira nihiroromeleyeke wa Muluku. Okathi mukina, owo onninlupattha mooluluwanya, masi okathi munceene onnilupattha mwa enamuna ya olavilavi.
8. MaKristau otheene ahaana osuwela exeeni?
8 Eliivuru ya aÉfeso 6:12 enihimya wira: “Ekhotto ahu [ninwana ni] . . . malaikha òtakhala a musulu”. Khula muKristau onniwana ni Diabo ni malaikha ootakhala. Nihaana osuwela wira khula mutthu oniivahererya wa Yehova onnipacerya owana ekhotto eyo. Ewarakha murummwa Paulo aalepenle awe aEefeso onnilavula ikwaha tthaaru wira maKristau ahaana okhala “òlipene”.—aÉfeso 6:11, 13, 14.
9. Exeeni Satana ni malaikha ootakhala aneererya aya oniiriha?
9 Satana ni minepa sawe sootakhala sinniimananiha onihapuxa mwa inamuna soovirikana. Akhala wira nooxintta muraakho mmosa wa Satana, nihuupuweleke wira khaninrowa omorela muraakho awe mukina. Etthu yoopacerya Satana onipaka awe ori oweha sootteettheya sahu, nuumala-vo onathanla muraakho onrowa awe orumeela wira onihapuxe. Masi khanirimenle, mwaha woowi Biibiliya onnilavula miraakho Diabo onirumeela awe. (2 aKorinto 2:11; nwehe Enoota n.° 31.) Muraakho mmosa onirumeela awe ti onammunepani.
MUSYAKEKE MINEPA SOOTAKHALA
10. (a) Onammunepani exeeni? (b) Yehova onoonela sai onammunepani?
10 Onammunepani onnimwiiriha mutthu ovaanela ni minepa sootakhala, eyo enniiraneya orumeelaka ehako, okhwiri, olowa aahiiso olavula ni alipa-ookhwa. Biibiliya onihimya wira onammunepani ti ‘wonanara’, nto nihikhaleke ntoko namanriya nimukokhorelaka Yehova okathi omosaru nivaraka itthu sa onammunepani. (Otumererya 18:10-12; Wisupulula 21:8) MaKristau eekeekhai ahaana osyaka khula enamuna ya onammunepani.—aRoma 12:9.
11. Xeeni vari aya vootakhala ophavela osuwela minepa sootakhala?
11 Satana osuwela wira, neererya ophavela osuwela minepa sootakhala, vanoonikhweela ovara itthu sa onammunepani.
Muhiliyale wira khula enamuna ya onammunepani enoohonona waataana wahu ni Yehova.SATANA ONIPHAVELA ONIHAPUXA
12. Satana onipaka exeeni wira ohonone muupuwelo wa atthu?
12 Satana oniphavela ohonone muupuwelo wa atthu. Vakhaani-vakhaani owo onniwiiriha waanyiherya itthu, “sorera, khwìhana sotakhala”, vano sotakhala anoona okhala sooreera. (Yesaya 5:20) Diabo oniphavela onuupuweliha wira malakiheryo a mBiibiliyani khannikhaliherya ni nnoohakalalaka akhala wira khanneettela ele Muluku onihimya awe okhala yooloka ni yoohiloka.
13. Nvahe ntakiheryo na moota Satana oniwiiriha awe atthu waanyiherya.
13 Owiiriha atthu waanyiherya, muraakho onimukhumela saana Satana. Owo onnirumeela muraakho owo okhuma khalai. Mwa ntakiheryo, ojardim ya wEdeni, owo aaheererya omwiiriha Eva waanyiherya vaavo aamukonhe awe wira: “Ekekhai wira Muluku òhokhottiheryani olya mihokorokho sa mirí sothene sa mmatta?” (Maphattuwelo 3:1) Okathi wa Yobi, Satana aahimukoha Yehova ohoolo wa malaikha wira: “Khino Yobi uwo onottittimihani mahala?” (Yobi 1:9) Nuumala Yesu opatisiwa, Satana aahimweehererya ohimyaka wira: “Nyuwo, mwàri Mwana a Muluku, murume maluku ala othatuwa, ekhalé ephau”.—Matheyo 4:3.
14. Exeeni Satana onipaka awe wira owiirihe atthu wuupuwelaka wira onammunepani khahiyo wootakhala?
14 Olelo-va, Satana onnivikaniha owiiriha atthu waanyiherya. Owo oniphavela owiiriha atthu wuupuwelaka wira: ‘Kiireke tthiri onammunepani ti wootakhala?’ Satana onniiriha itthu sa onammunepani okhala ntoko 2 aKorinto 11:3) Nto, nihaana opaka exeeni wira nihihapuxiwe ni Satana? Ninrowa osuwela sai wira khaniwokiwe ni Satana? Nrowe niwehe inamuna piili Satana okhanle awe ooniwoka. Inamuna sene tiiya: matthekulelo ni olooliwa.
wira khahiyo sootakhala. Musuweleke wira maKristau makina yaahipacerya wuupuwela wira onammunepani khahiyo wootakhala. (MATTHEKULELO NI OLOOLIWA
15. Moota xeeni otthekula okhanle aya oomwiiriha mutthu ovaanela ni minepa sootakhala?
15 Olelo-va, iviidiyu sinceene, ifilme, iprograma sa TV, axooku a mukomputatoreni ni isaiti sa munternetini, soosareya itthu sinivarihana ni minepa sootakhala, okhwiri, maxintta ni itthu sikina sa onammunepani. Atthu anceene anuupuwela wira oweha itthu iyo khahiyo vootakhala ni khanoona woopiha waya. Atthu akina annipaka itthu sa onammunepani amurumeelaka: Oraakulu, osoma matata, khavacira ni ehako ya eloola. Diabo onnivitha woopiha waya itthu iyo owiirihaka atthu wuupuwela wira sinnaahakalaliha. Atthu akina anihimya so: ‘Miyo pooti oweha iviidiyu sa onammunepani, masi nkiniira itthu sa onammunepani’. Xeeni muupuwelo owo ori aya wootakhala?—1 aKorinto 10:12.
16. Xeeni vari aya vootakhala otthekula ni itthu sa onammunepani?
16 Satana ni minepa sootakhala khasinwerya osoma muupuwelo ahu. Masi soothanla sahu pooti owiiriha oweha itthu sinnisivela hiyo ni etthoko ahu ohela muhina inamuna sa otthekula. Nto akhala wira ninniweha ifilme, muusika, iliivuru sinivarihana ni minepa sootakhala, maxintta, olowa ni mavampiiru, nto Satana ni minepa sootakhala sinimoona wira sinninsivela itthu iyo sootakhala. aGalasia 6:7.
Nto awo anooniiriha ophavela osuwela itthu sikina sa onammunepani.—Mmusome17. Satana onttottela sai mureerelo yoophavela ahu ya okhalana okumi wooloka?
17 Satana onnittottela mureerelo yoophavela ahu ya okhalana okumi wooloka. Olelo-va atthu anceene anniwereyasiwa. Pooti wira mutthu onnilooliwa mwa inamuna sinceene ohinapenuwa. (Marko 5:25, 26) Owo pooti oxanka vanceene ni onapaka itthu sotheene oniwerya awe wira openuwe. Masi maKristau ekeekhai ahaana okhalana ephoole wira ahiphavelaseke inamuna sa olooliwa “sotakhala” ni sinivarihana ni minepa sootakhala.—Yesaya 1:13.
Mmuroromeleke Yehova okathi muniwereiwa anyu
18. Enamuna xeeni ya olooliwa maKristau eekeekhai anisyaka aya?
Yesaya 1:15) Moone wira Yehova khaawiriyana mavekelo a aIsarayeli ale! Tthiri okathi ninwereiwa ahu, hiyo khanimphavela opaka nnakhala etthu emosa yaarowa ohonona waataana wahu ni Yehova wala yaarowa omwiiriha Yehova ohiya onikhaliherya. (Esalimo 41:4) Akhala wira nimphavela olooliwa, nihaana osuwela akhala wira olooliwa iwo khonihela muhina onammunepani. (Matheyo 6:13) Nto noona wira onnivarihana ni onammunepani, nihaana osyaka moomalela!—Nwehe Enoota n.° 32.
18 Khalai, aIsarayeli akina yaanirumeela onamminepani. Yehova aahaaleela wira: “Mwakòkolelaka matat’anyu, miyo kinniphuta maitho: mwathipelelaka okivekela, miyo nkinowiriyanani. Tthiri matat’anyu t’òsareya ephome”. (ITTHU SOWOOTHIWA VOOHIMYA SA MINEPA SOOTAKHALA
19. Exeeni eniwiiriha atthu anceene omoova Diabo ni minepa sawe sootakhala?
19 Atthu akina anuupuwela wira Diabo ni minepa sootakhala khasikhanle. Masi akina annisuwela wira sookhala mwaha woowi aatoko okumanana. Atthu akina annoova ni aapakeya epottha ya minepa sootakhala ni woova ethiru. Akina anniwiiriha atthu woova minepa sootakhala alavulaka ihantisi wala itthu sowoothiwa voohimya sa minepa sootakhala siniwiiriha aya apinaatamu. Awo annikuxeya murima ni ihantisi iyo anapacerya waaleela atthu akina. Moohaanyiherya, ihantisi iyo sinniwiiriha atthu omoova Diabo ni minepa sawe sootakhala.
20. Naarowa omwara-mwara sai sowootha sa Satana?
20 Nkahaya muupuwele ela: Satana oniphavela wira atthu amooveke. (2 aTesalonika 2:9, 10) Owo nawoothe, onnisuwela moota wowaawoka atthu, owiiriha ophavela itthu sinivarihana ni onammunepani ni waakupaliha itthu sihikhanle sekeekhai. Nave onniwiiriha atthu ohimyaka ihantisi wala itthu sowoothiwa anuupuwela aya wira ahoona wala ahiiwa. Nto vaavo atthu animakela aya olavula ihantisi iyo, awo annitepiha. Akhala wira ni hiyo ninnilavula ihantisi iyo, nnooniherya wira ninnimukhaliherya Satana owoopopiha atthu. Tthiri hiyo khanimphavela opaka eyo.—Yohani 8:44; 2 Timótheyo 2:16.
21. Ohiya omakela olavula ihantisi voohimya sa malaikha ootakhala, itthu xeeni ninreerela ahu olavula?
21 Arumeyi a Yehova khanreerela woova itthu Satana ni minepa sootakhala akhanle aya oopaka. Akhala wira khalai murumeyi a Yehova ootoko woopopihiwa ni minepa sootakhala, owo khonreerela waaleela atthu akina. Okathi ari awe valaponi, Yesu khaamakela olavula itthu saapakiwa ni minepa sootakhala. Owo aamakela waaleela muhupi wa Omwene ni “miteko sulupale sa Muluku”. (Miteko 2:11; Luka 8:1; aRoma 1:11, 12.) Tthiri arumeyi a Yehova ahaana onwehexexa Yesu ni owerya ovahiwe awe ni Yehova ohiya onwehexexa Satana ni minepa sawe sootakhala.—aHéberi 12:2.
22. Mulakenle opaka exeeni?
22 Xontte, muhikhala-khale muliyalaka wira yoolakela ya Satana ohonona waataana wahu ni Yehova. Owo onoopaka itthu sotheene oniwerya awe wira opake ele oniphavela awe. Masi hiyo noosuwela miraakho sa Diabo ni noolakela ohiirela mpantta nnakhala etthu emosa enivarihana ni onammunepani. Nave khaninrowa onvaha “opuro Satana” wira otteettheihe yoolakela ahu ya omukhootta. (Mmusome aÉfeso 4:27.) Tthiri vaavo nimmukhootta ahu Diabo ninnisyaka miraakho sawe ni ninnikhapeleliwa ni Yehova.—aÉfeso 6:11.