YOOSOMA 1
Moolumo Oopacerya Oovara Murima
Miteko 17:22
MALAKIHERYO: Moolumo anyu oopacerya ahaana owiiriha alipa-oowiriyana ophavela owiriyana mwaha anyu wotheene, osuwanyeiha mwaha anyu, ni wooniherya nthowa naya ori aya wootthuneya mookumini mwaya.
MOOTA WOOPAKA:
-
Nvareke murima. Muthanleleke nikoho, soohimmwa, yoowiiraneya ya mookumini, wala ihapari sa niinano sinrowa waasivela alipa-oowiriyana.
-
Musuweliheke etthu eniphavela anyu ohimya. Moolumo anyu oopacerya ahaana ovarihana ni mwaha oniphavela anyu olavula.
-
Mooniheryeke otthuneya waya. Mooniherye moota ele enilavula anyu enivareleya aya muteko mookumini mwa alipa-oowiriyana. Awo ahaana oweha moota mwaha owo onaakhaliherya aya.