YOOSOMA 15
Olavula Ohoovelelaka
1 aTesalonika 1:5
MALAKIHERYO: Mooniherye wira munnikupali tthiri ekeekhai ya mBiibiliyani ni mooniherye otthuneya waya ele enihimya anyu.
MOOTA WOOPAKA:
-
Mwiilokiheryeke oratteene. Mutokose oratteene mwaha onrowa anyu olavula mpakha osuwela saana iponto suulupale ni moota Biibiliya onooniherya awe wira iponto iyo ti sekeekhai. Mweererye otthokiherya iponto suulupale sa mwaha anyu masi ni moolumo vakhaani. Muupuweleke moota enrowa aya waakhaliherya alipa-oowiriyana. Nvekeleke munepa wootteela.
-
Murumeeleke moolumo anooniherya wira munnikupali enihimya anyu. Ohiya osoma siisaale ntoko silempwa aya muliivuruni, murumeeleke moolumo anyu. Muthanleke moolumo munisuwela anyu saana.
-
Mulavuleke mootaphuwa ni murima wotheene. Mulavuleke ni nsu nooreerela. Nyuwo pooti waaweha alipa-oowiriyana, vakhala wira opaka eyo khonaaveeha atthu akina.
