Munvekeleke Yehova ni mwiilokiheryeke oratteene. Nvekeleke wira muthokorerye oratteene mwaha onrowa anyu olavula, ohiya wiithokorerya mmansinyu. Musuweleke oratteene iponto suulupale muniphavela anyu otthokiherya. Mulavuleke mootaphuwa; ohiya paahi osoma moolumo alempwale vapapheloni.

Mulavuleke ni murima wotheene. Okathi onilavula anyu, nwuupuweleke ale anoowiriyanani ni nthowa naya anitthuneya aya wiiwa muhupi orina anyu. Mulavuleke mwaawehaka. Weemela wanyu, othoonya wanyu ni ethoyi anyu sihaana okhala soohipakeleliwa ni sookhalela.

Mwaaweheke alipa-oowiriyana. Mwaaweheke owiitho ale anilavulana anyu, eyo yaahikhoottihiweke muttetthe onikhala anyu. Okathi munilavula anyu mwaha, munweheke mutthu mmosa ntoko munilavula ni yena, masi ohiya omuthipelela mutthu mmosaru paahi.