Khula eyaakha, ninnileeliwa vahinatthi wira onookhala muthukumano muulupale woovara murima. Nto wira atthu akina arwe attottele mureerelo muthukumano owo onivahiwa ahu ni Yehova, ninnitumereriwa waalattula atthu anceene anaawerya ahu wira yakhale ni hiyo okathi owo. (Esa 34:9) Khula nikhuuru na axitokweene nihaana opaka marehereryo wira sikaiwe ipaphelo sa nlattulo sinceene.

• Muthukumano owo onrowa wiiriwa liini?

• Ekampaanya ya nlattulo enipacerya liini?

• Mahiku xeeni ni sinirowa opakiwaka vai mithukumano sa orowa olaleerya?

• Tiivi ekhanle yoolakela aka okathi wa ekampaanya eyo?

• Ti pani oniphavela aka omulattula?

Nuumala omulavuliha mutthu owo ntoko siniiriwa aya mmuttettheni mmo, mulavuleke so:

“Nniirela mpantta ekampaanya ya olumwenku wotheene ya okawa nlattulo na muthukumano muulupale. Voohimya sa nihiku, okathi ni opuro, woolempwa vanlattuloni-vo. Xontte mwarwe nwiriyane”.

Nnaamwi yoolakela ahu yuulupale ori waalattula atthu anceene wira arowe omuthukumanoni, nihaana-tho ophavelaka waakhaliherya ale anooniherya osiveliwa ekeekhai.

Wuumalani wa esumana, nihaana okawaka nlattulo vamosa ni irevista.