3:1-5

Xeeni Yesu aariipiwe awe murima vanceene ni ahooleli a etiini ya aYuda? Mwaha woowi, awo yaahiiriha nlamulo na eSaabadu okhala noovila, maana yaahincererya itthu soohikhalela. Mwa ntakiheryo, awo yaanikhoottiha wiiva etothomwa eSaabadu. Awo yaaneemererya omuloola mutthu akhala wira aahala vakhaani okhwa. Nto mutthu anteya nikhuva wala ohorokonya, khaalooliwa eSaabadu. Tthiri, ahooleli ale a itiini khiyaamoonela othunku mulopwana ole aarakanle ntata.