MAKHALELO A MAKRISTAU
Wira Naapake Awiixutti, Nihaana Olaleerya ni Wiixuttiha
Yesu ohaaruma atthareli awe orowa waapaka awiixutti. (Mat 28:19) Eyo enitaphulela olaleerya ni wiixuttiha. Tivonto, ikwaha sikina niikoheke so: ‘Kinrowa olokiherya sai muteko aka woolaleerya ni waapaka awiixutti?’
OLALEERYA
Nihilipeleleke wira atthu anirweele; masi nihaana waakhalela nthiti waaphavela ale ‘amphwanelela’. (Mat 10:11) Okathi ninlaleerya ahu, niireke ninniphavela inamuna sowaalaleerya atthu otheene ‘nnaphwanyahu’? (Mit 17:17) Lidia aahikhala muKristau mwaha wa olaleerya wooluttuweliwa wa Paulo.—Mit 16:13-15.
“Mwàleke [epyo anyu] vasisu, mwàle-tho makaripi”. (Mus 11:6)
NWEHE EVIIDIYU ENI: NVIKANIHEKE OLALEERYA—MOOHIILOKIHERYA NI EMPA TI EMPA; NUUMALA-VO MWAAKHULE MAKOHO ALA:
-
Samuweli, ooniherya sai omutekoni wira aaniphavelasa inamuna sa waala ipyo sekeekhai?
-
Xeeni nintthuneya ahu ovilela vaavo ninlaleerya ahu?
-
Tani akhanle anyu oowaalaleerya, okathi onivara anyu miteko sa khula nihiku?
WIIXUTTIHA
Wira naapake awiixutti, nihihiyeke iliivuru paahi. Masi, naakhaliheryeke atthu awo wiixutta ekeekhai, nipakaka mikwaha sootthikela oxukurya ni wiiriha soosoma sa Biibiliya. (1 aKor 3:6-9) Nooneleke sai akhala wira wiimananiha wahu olaleerya khonikumiherya mireerelo sinci? (Mat 13:19-22) Nihaana ovikaniha waaphavela ale arina murima onlikana ni “etthaya yowunttelana”.—Mat 13:23; Mit 13:48.
“Miyo kiphatteiye miri, Apolo khukhuwariki mir’iyo, nto Muluku t’ìmihale”. (1 aKor 3:6)
NWEHE EVIIDIYU ENI: NVIKANIHEKE OLALEERYA—MAPURO OOWAATTA ATTHU NI WAAPAKA AWIIXUTTI; NUUMALA-VO MWAAKHULE MAKOHO ALA:
-
Moota xeeni Salomoni ni Maria yaakhuwanri aya ekeekhai vamurimani va Ezekiyeli ni Abigaili?
-
Tiivi enireerela okhala yoolukama ahu naalaleeryaka, ohela muhina olaleerya mapuro oowaatta atthu?
-
Xeeni vanireerela ahu ovaha ephoole muteko wa wiixuttiha okathi ninlaleerya ahu?
