Yakobe aanisuwela wira Yehova, Muluku ekeekhai ni toniphwanela okokhoreliwa paahi, nnaamwi nahaakhanle okathi ole nlamulo naahimya eyo. (Okh 20:3-5) Tivo, okathi Yehova aamuhimenrye awe Yakobe otthikela oBetheli, Yakobe aahaaleela atthu otheene aarina awe wira yaahaana waariha amuluku aya eethiru. Nuumala-vo, aahithipela ilatarato sotheene ohela muhina itthu sikina sa musurukhu munceene saarumeela aya wira saakhapeleleke. (Map 35:1-4) Moohaanyiherya Yehova aahihakalala vanceene ni etthu Yakobe aapanke awe.

Ankhi olelo-va, ninrowa wooniherya sai wira nimmukokhorela Yehova paahi? Wanipacerya, nihaana osyaka itthu sotheene sinivarihana ni amuluku eethiru ni onamminepani. Eyo enihela muhina oriha itthu sotheene sinivarihana ni onamminepani. Nave ti vootthuneya wuupuwelela nihinatthi othanla matthekulelo ahu. Mwa ntakiheryo, mwiikoheke so: ‘Kiireke onnikisivela oweha itthu sinivarihana ni mavampiiru, anookhwiri aahiiso sinlavula sa minepa sootakhala? Kiireke matthekulelo anihela muhina maxitta, nipako wala oravana kinoona ntoko wira khahiyo itthu sootakhala?’ Nihaana osyaka khula etthu Yehova oninyokha awe.—Esa 97:10.

NWEHE EVIIDIYU ENI:  “MMUKHOTTEKE SATANA”, NUUMALA-VO MWAAKHULEKE MAKOHO ALA ANITTHARELANA:

• Exeeni yaamwiiraneela naxikola mmosa a Biibiliya oniitthaniwa Paula?

• Xeeni vanireerela ahu waavekela nikhaliheryo axitokweene vakhala wira munna wala murokora ookhalana muxankiho wa onamminepani?

• Akhala wira nimphavela okhaliheriwa ni Yehova, exeeni ninreerela ahu opaka?

• Etthu xeeni Paula aalakenle awe opaka?

• Munrowa osyaka sai owokiwa ni minepa sootakhala?