MIHAKHU SINIKHUMA MBIIBILIYANI | ISALMO 87-91
Nvikanihe Okhala Nipuro Nowiipitheya na Muluku
‘Otthyawela’ wa Yehova onniniphwanyiha ovareleleya wa omunepani.
91:1, 2, 9-14
-
Olelo-va, wira nikhale nipuro nowiipitheya na Yehova vanitthuneya wiivahererya ni obatiziwa.
-
Nipuro nla khanniweryaneya osuweliwa ni ale ahinimuroromela Muluku.
-
Ale anitthyawela nipuro nowiipitheya na Yehova khaniwokiwa ni mutthu wala etthu eniwerya ohonona omwaamini ni omphenta waya Muluku.
“Ntoko mutthu oneererya waahopha axipalame, Satana oniphavelasa onihopha”.
91:3
-
Axipalame olavilavi, tivo vanivila aya waahopha.
-
Mutthu oniphavela waahopha axipalame ohaana waasuwela oratteene makhalelo aya wira owerye opaka muraakho oniwerya waahopha.
-
Satana, tokhanle “mulipa-onaahopha axipalame,” onnimananiha waasuwela atthu a Yehova wira opake miraakho sinwerya waahopha, wira opwetexe makhalelo aya a omunepani.
Miraakho mixexe sa Satana sinaamala atthu:
-
Owoova Atthu.
-
Osiveliwa Mihakhu.
-
Itthekulelo Soohiloka.
-
Ohiiwanana wa Atthu.
