MAKHALELO A MAKRISTAU
Mmuupuweleke Mwaarawe Lothi
Xeeni mwaarawe Lothi aawenhe awe ottuli okathi aatthyawa awe oSodoma? Biibiliya khonihimya nthowa naya. (Map 19:17, 26) Moolumo oolopola a Yesu anooniherya wira waaniheryasa mwaarawe Lothi aawenhe ottuli mwaha wa mireerelo aahiyale awe. (Luk 17:31, 32) Ninrowa osyaka sai ohonona wataana wahu ni Muluku sintoko mwaarawe Lothi? Niheemereryeke wira mihakhu sikhaleke opuro woopacerya mookumini mwahu. (Mat 6:33) Yesu aahiixuttiha wira khivaniweryaneya “omurumela Muluku vamosá ni musurukhu”. (Mat 6:24) Nipakeke exeeni vakhala wira ninnipacerya oluttuweliwa ni itthu sa werutthuni ovikana sa omunepani? Ninvekeleke Yehova wira onikhaliherye oweha marukunuxo nintthuneya ahu opaka, ni onivaha olipa murima wira nipake eyo.
NWEHE-THO IPANTTE TTHAARU SA EVIIDIYU MMUUPUWELEKE MWAARAWE LOTHI, NI MWAAKHULE MAKOHO ALA ANITTHARELANA:
-
Kinrowa wooniherya sai ni miteko saka wira ‘kinnimuupuwela mwaarawe Lothi?’
Moota xeeni okhanyereriwa ophavela musurukhu munceene waaturunke aya muupuwelo, malavulelo ni mweettelo wa Gloria?
-
Moota xeeni ntakiheryo na mwaarawe Lothi ninnilopola aya olelo-va?
-
Moota xeeni weettela malakiheryo a Biibiliya waamukhalihenrye aya José ni emusi awe?
-
Moota xeeni atthu aavarana awe muteko Ana yaahononne aya makhalelo awe a omunepani?
-
Xeeni nintthuneya ahu olipa murima okathi ninkhanyereriwa ahu opaceriha musurukhu mookumini mwahu?
-
Moota xeeni Bruno ni Gloria yaatthikenle aya opweha opuro woopacerya itthu sa omunepani?
-
Malakiheryo xeeni a mBiibiliyani moonale anyu nuumala oweha eviidiyu ela?
