OTTHUNEYA WAYA: Iliivuru sahu sotheene Sinnikhaliherya Wiixuttiha sinnooniherya esaiti jw.org. Tthiri, yoolakela ya ekartau JW.ORG ni efolyeeto Ninrowa Ophwanya Woowi Waakhuliwa wa Makoho Ootthuneya Mookumini?, waatumererya atthu orumeela esaiti ahu. Murumeelaka email, nyuwo pooti onvaha mutthu mukina eliivuru eletronico ninrumeela ahu wira niixuttihe wala elinkhi ya opuro eniphwanyaneya eliivuru eyo musaitini mwahu. Eyo pooti okhaliherya okathi nimmulaleerya ahu mutthu onilavula nttaava na elapo ekina. Nave, atthu pooti opaka makoho anaakhuliwa ni iliivuru sahu nihinrumeela ahu wira niixuttihe. Nto namurumeela websaiti ahu, nnookhumela saana mmutekoni mwahu moolaleerya.

MOOTA WOOPAKA EYO:

• Murumeele epantte eni: “SOWIIXUTTIHA SA BIIBILIYA”. Nilikanyiherye wira mummulaleerya namuyari oniphavela osuwela itthu sikina voohimya sa waahuwa anamwane. Murowe opuro oni ENSINOS BÍBLICOS > CASAMENTO E FAMÍLIA.

• Murumeele epantte eni: “ILIIVURU”. Nilikanyiherye wira munoolaleerya mohiilokiherya oxikola ni munniphavela omooniherya naxikola mukina ebroxura Waakhuliwa wa Makoho 10 Yaawo Anikohiwa ni Amiravo. Murowe opuro oni ILIIVURU > ILIIVURU NI IBROXURA.

• Murumeele epantte eni: “ONISUWELA”. Nilikanyiherye wira munimulaleerya mutthu onivarana anyu muteko yoowo oniphavela osuwela ni masu vakhaani sookupali sahu. Murowe opuro oni QUEM SOMOS > PERGUNTAS FREQUENTES.

NWEHE EVIIDIYU ENI OMURUMEELA JW.ORG, NUUMALA-VO MUTTHOKIHERYE OPURO WA WEBSAITE AHU MWAAROWA ANYU OKELA WIRA MMUKHALIHERYE:

• mutthu ohinkupali wira Muluku ookhala

• mutthu emukhumelenle ehasara

• munna aahiiso murokora ohiyale olaleerya

• mutthu onitthikela anyu omuxukurya oniphavela osuwela onikhuma aya musurukhu onirumeeliwa mmutekoni mwahu

• mutthu a elapo ekina oniphavela oweha mithukumano elapo awe