Munepa wowiivahererya wa Yesaya onnireerela otakihiwa. Owo ahooniherya waamini khweemererya okhaliherya muteko waatthuneya, nnaamwi ahaasuwela etthu ene. (Yes 6:8) Niireke nyuwo munoowerya olokiherya makhalelo anyu wira murowe mwakhaliherye mapuro oothowa anamalaleerya a Omwene? (Esa 110:3) Ekeekhai wira vanitthuneya wuupuwela “musurukhu” onitthuneya mutthu ohithaamale. (Luk 14:27, 28) Hata vari siiso, mwiivahererye wira muthaamele opuro mukina mwaha wa muteko wa olaleya Omwene. (Mat 8:20; Mar 10:28-30) Ntoko sinooniherya aya eviidiyu eni: Othaamela Mapuro Oothowa Anamalaleerya, mareeliho anikhumelela mwaha woomurumeela Yehova annivikana khula etthu enileva ahu wira nivare muteko owo.

• Itthu xeeni yaalenve aya atthu a emusi ya munna Williamu wira awerye othaamela wEquador?

• Itthu xeeni yaathokorenrye aya okathi yaathanla aya nipuro noorowa?

• Mareeliho xeeni awo aphwannye aya?

• Munrowa osuwela sai mapuro oothowa anamalaleerya a Omwene?

• Ninrowa wunnuuherya sai muteko oninvarela ahu Muluku? (km 8/11 4-6)

• Vakhala wira hiyo khanniwerya othaamela mapuro oothowa anamalaleerya, ninrowa owerya sai okhaliherya muloko ahu? (w16.03 23-25)