MAKHALELO A MAKRISTAU
Nilokiherye Inamuna Sahu Soolaleerya—Naakhaliherye Atthu a Murima Wooloka Wira Ekhale Atthareli
OTTHUNEYA WAYA: Yehova onninnuwiha ipyo sa ekeekhai vamurimani va atthu aniphavela ekumi yoohimala. (Mit 13:48; 1 aKor 3:7) Ninnivara muteko ni Muluku niimananihaka waakhaliherya atthu yaale aneettela itthu aniixutta aya. (1 aKor 9:26) Anaxikola a Biibiliya ahaana wiiwexexa wira obatizo wa eKristau ti wootthuneya wira mutthu oopowe. (1 Ped 3:21) Ninnaakhaliherya awo okhala atthareli, vaavo ninwiixuttiha ahu opaka marukunuxo mookumini mwaya, olaleerya ni wiixuttiha, ni wiivahererya wa Yehova.—Mat 28:19, 20.
MOOTA WOOPAKA EYO:
-
Nwuupuxeryeke ale anaasomiha anyu Biibiliya wira yoolukama ya yoosoma aya ya Biibiliya, ti waakhaliherya “omusuwela” Yehova ni omuhakalaliha.—Yoh 17:3
-
Mwaakhaliheryeke orowa vahoolo mwa omunepani ehiyaka soolema soohiloka ni weetta ni atthu oohikhalela
-
Mwaalipiheke ni mwaakhaliheryeke ehinatthi ni nuumala obatiziwa.—Mit 14:22
NWEHE EVIIDIYU ENI: YEHOVA ONIMOOKHALIHERYANI WIRA MULIPE MURIMA, NUUMALA-VO MWAAKHULEKE MAKOHO ALA ANITTHARELANA:
-
Waaniheryasa exeeni ekhanle oomwiiriha mutthu woovelelaka wiivahererya ni obatiziwa?
-
Moota xeeni axitokweene anrowa aya omukhaliherya naxikola a Biibiliya orowa vahoolo mwa omunepani?
-
Yesaya 41:10 onniixuttiha exeeni voohimya sa Yehova?
-
Mikhalelo xeeni sinrowa wiiriha omukokhorela wahu Yehova okhala wooloka nnaamwi niri ene atthu oohimalela?