Okhuma khalai, makhulupale a mulaponi ikwaha sinceene ahaakhaliherya atthu a Muluku. (Éz 6:1-12; Est 8:10-13) Olelo-va, ninnoona “etthaya” yeeyo enithoonyerya anamalamulela ooreera murima, emiryaka “màsi” a muro wa olupatthiwa yaawo anikumiheriwa ni “enow’eyo”, eyo piiyo, Satana Diabo. (Wis 12:16) Ikwaha sinceene Yehova yoowo ori “Muluku òwopola”, pooti waarumeelaka anamalamulela a olumwenku ola wira aakhaliherye arumeyi awe.​—Esa 68:21; Mir 21:1.

Ankhi mwatthukeliwa mukhatteya mwaha wa waamini wanyu? Muhiliyale wira Yehova ori ni nyuwo. (Map 39:21-23; Esa 105:17-20) Waamini wanyu onootthuveliwa, nave ororomeleya wanyu onimwaalipiha anna ni arokora a olumwenku wotheene.​—aFi 1:12-14; Wis 2:10.

NWEHE EVIIDIYU ENI: ANNA A OCOREIA YAAHIKUMIHIWA MUKHATTEYA, NUUMALA-VO MWAAKHULEKE MAKOHO ALA ANITTHARELANA:

• Okhuma khalai, nthowa xeeni anna anceene oCoreia do Sul anitthukeliwa aya mukhatteya?

• Yoothanla xeeni epakiwe ni etribunaali ekhalihenrye wira anna akina etaphuliwe ohiphin’ye okathi yaalamuliwe aya?

• Ninrowa waakhaliherya sai anna atthukweliwe mwaha wa waamini waya?

• Ninrowa orumeela sai otaphuwa nirina ahu olelo-va?

• Tani onnikhaliherya oxintta otribunaali?