OTTHUNEYA WAYA: Biibiliya onihimya wira: “Miyupuwelo mmurimani mwa mutthu, màsi òwixa”. Tivonto, makoho anlikana ni etthu yoorikana maasi awo. (Mir 20:5) Makoho oothanliwa saana annaavara murima ale anniwiriyana. Waakhuliwa wa makoho awo onnikhaliherya osuwela moonelo wa mutthu. Yesu aahirumeela makoho oovara murima. Ninrowa omutakiha sai?

MOOTA WOOPAKA EYO:

• Mukoheke moonelo wa mutthu. Yesu aahaapakela makoho awiixutti awe wira osuwele moonelo aya. (Mat 16:13-16; be-T 238 itti. 3-5) Makoho xeeni munrowa anyu opaka wira musuwele moonelo wa mutthu?

• Mpakeke makoho ootthuneya. Yesu aahipaka makoho yaamwiirinhe Pedru olokiherya muupuwelo awe, ni wiiwexexa saana mwaha ole. (Mat 17:24-26) Makoho xeeni akhanle anyu oopaka wira mmukhaliherye ole onilavulana anyu wiiwexexa saana?

• Mmuttottopeleke ole onilavulana anyu. Nuumala woona wira mwiixuttihi a ikano “ahakhula n’ankhili” Yesu aahimuttottopela. (Mar 12:34) Munrowa omuttottopela sai mutthu onaakhula nikoho nanyu?

NWEHE EPANTTA YOOPACERYA YA EVIIDIYU ENI: NVAREKE MUTEKO AAVARA AWE YESU​—WIIXUTTIHA, NUUMALA-VO MWAAKHULE MAKOHO ALA ANITTHARELANA:

• Xeeni nla nri aya ntakiheryo na wiixuttiha woohiloka, nnaamwi ele enihimya awe eri ene yekeekhai?

• Xeeni vanitthuneya aya wiimananiha ohiya paahi ohimya etthu ene?

NWEHE EPANTTA YA NENLI YA EVIIDIYU EYO, NUUMALA-VO MWAAKHULE MAKOHO ALA ANITTHARELANA:

• Moota xeeni munna ole orumeelale awe makoho oovara murima?

• Inamuna xeeni sikina sa wiixuttiha sinireerela ahu otakiha?