Xeeni vanireerela aya opaka eyo? Ikwaha sinceene oretta pooti okhumelela aka okathi nahaalipelela ahu. Tivonto, mpakeke sootheene muniwerya anyu ehinatthi okhumelela eretta mootutuxerya. Nto mwapaka eyo, munoowerya olooliwa saana. Mwiira siiso, munimooniherya wira munnittittimiha okumi ni moota Yehova onoonela awe ephome. — Mit 15:28, 29.

Exeeni mukhanle anyu oopaka wira mwiilokiherye?

• Munvekeleke Yehova ni mulepeke ni ephoole ekartau anyu ya ephome (DPA). a Anamalaleerya oopatisiwa ahirina ekartau eyo DPA, pooti onvekela munna onikawa iliivuru mmulokoni ohela muhina ekartau ya identificação ya anamwane (ic).

• Vakhala wira moorupala, mwaavekeleke axitokweene eformulaario Informação para Grávidas (S-401). Eformulaario eyo enimookhaliheryani opaka soothanla sooloka, okathi sinikhumelela aya mixankiho mwaha woorupala ni okathi wooyara.

• Vakhala wira munrowa olooliwa sirumeeliwaka inamuna sinihela muhina ephome aahiiso waapaxari oxipitaali, mwaakuveke waasuweliha axitokweene a muloko anyu. Nave mwaaleeleke mameetiku wira munooxukuriwa ni Anamoona a Yehova.

Axitokweene anrowa wookhaliheryani sai? Awo pooti wookhaliheryani olepa ekartau ya ephome (DPA). Masi axitokweene khanirowa opaka yoothanla sa moota mukhanle anyu olooliwa aahiiso ohimya moonelo aya. (aRo 14:12; aGa 6:5) Vakhala wira munimwaakuva waaleela axitokweene a muloko anyu wira enamuna munrowa anyu olooliwa enihela muhina ephome, awo moowaakuveya anoolikarela Ekrupu ya Axitokweene Anilavula ni Mameetiku wira mulooliwe.

Axitokweene Anilavula ni Mameetiku anrowa onikhaliherya sai? Axitokweene awo ahiixuttihiwa moota woolavula ni mameetiku, itribunaale ni waakhaliherya wiiwexexa moota nnoonela ahu oheleliwa ephome. Nave awo pooti wookhaliheryani ovaanela ni meetiku voohimya sa inamuna sikina solooliwa sihinihela muhina oheleliwa ephome. Aahiiso awo pooti wookhaliheryani omphwanya meetiku onrowa wooloolani moohiheleliwa ephome.

NWEHE EVIIDIYU ENI: MOOTA WOOTHANLA INAMUNA SOOLOOLIWA MUHIRUMEELAKA EPHOME. NUUMALA-VO MWAAKHULE MAKOHO ANITTHARELANA:

• Eviidiyu ela enrowa wookhaliheryani sai, wiilokiherya moota woolooliwa okathi onikhumelela aya oretta mootutuxerya masi moohiheleliwa ephome?

  textarea-1