Mahiku ala ookiserya sinniniphwanya mixankiho sinceene. Ikwaha sikina, hiyo pooti woonaka wira mixankiho iyo, ti suulupale nihinwerya ahu ovilela. Vaavo ninrowa ahu otepaka olipiha omwaamini wahu Yehova, owo onoonikhaliherya ovilela hata mixankiho seiye nnoona ahu okhala suulupale. (Yes 43:2, 4) Ninrowa owerya sai olipiha ompatthani ahu ni Yehova okathi sinniphwanya aya mixankiho?

Ovekela. Vakhala wira nnoomuleela Yehova mixankiho sahu, owo onoonivaha murettele wa mmuupuweloni ni ikuru wira niwerye ovilela. — aFi 4:6, 7; 1 aTe 5:17.

Mithukumano. Wira nilipihe ompatthani ahu ni Yehova, nihaana osomaka malakiheryo animutthokiherya Biibiliya ni waataana ni atthu animurumeela Yehova nirowelaka mithukumano. (aHe 10:24, 25) Okathi ninlokiherya ahu mithukumano, orowela ni wiirela mpantta, ninnittottela mureerelo munepa woowaarya Yehova onnivaha awe. — Wiis 2:29.

Muteko woolaleerya. Okathi nniimananiha ahu okhalela nthiti muteko woolaleerya, vannikhweya oweha itthu sooloka. Nave muteko woolaleerya onninikhaliherya olipiha ompatthani ahu ni Yehova vamosa ni anna yaawo ninrowana ahu olaleerya. — 1 aKor 3:5-10.

NWEHE EVIIDIYU ENI: YEHOVA ONIMOOKHALIHERYANI. NUUMALA-VO MWAAKHULE MAKOHO ALA ANITTHARELANA:

• Exeeni yaamukhalihenrye Malu ohihiya omuroromela Yehova nnaamwi aaviriha mixankiho?

  textarea-1

• Sintoko murokora Malu, moota xeeni Esalimo 34:19, enrowa aya woomaalihani okathi sinikhumelela aya mixankiho?

  textarea-2

• Etthu yaamwiiranenle Malu, enooniherya sai wira Yehova onoonivaha “owerya onivikana wa mutthu” wira nivilele mixankiho sahu? — 2 aKo 4:7.

  textarea-3